TIRANË-Burime për ZËRI bëjnë me dije se Dallëndyshe Bici ka dhënë dorëheqjen nga drejtimi i Inspektoratit të Kontrollit dhe Mbrojtjes së Territorit. Në krye të Inspektoriatit të Mbrojtjes së Territorit është emëruar Adriatik Kupi, i cili ka qenë drejtor në OSSH.
Bici mbante këtë post prej 18 muajsh, kur u emërua në muajin korrik të 2024. Ajo zuri vendin e Ervin Hoxhës, i cili më herët mbante postin e drejtorit të IKMT-së. Bici ka pasur një eksperiencë të gjatë në krye të IKMT-së, për pothuajse 9 vite. Në periudhën Tetor 2013 – Gusht 2014 ka punuar si drejtoreshë tek Drejtoria Inspektimit Juridik, në Inspektoratin Ndërtimor Urbanistik Kombëtar.
Nga muaji Gusht i vitit 2014 e deri në muajin mars 2023, ajo ishte kryeinspektore në Institutin Kombëtar të Mbrojtjes së Territorit. Nga Marsi i vitit 2023 ajo drejtoi Agjencinë Shtetrore të Kadastrës, duke zëvendësuar në këtë pozicion Artan Lamen.
