TIRANË- Gjykata e Kukësit ka caktuar masën e sigurisë “arrest në shtëpi” për Artjola Callahun, motrën e të ndjerit Rushit Callahu, i cili u vra nga Ylber Jaku. Dy ditë më parë, 21-vjeçarja dhunoi dy prindërit e moshuar të Jakut me sende të forta, pasi u konfliktuan për çështje pronash. Ndërsa, 41-vjeçari, i cili sapo ishte kthyer nga Anglia pasi vizitoi prindërit e tij në spital I bëri prit pranë banesës 34-vjeçarit duke e ekzekutuar atë me 8 plumba.
Si pasojë e plumbave, ai ka humbur drejtimin e automjetit edhe është përplasur me një kanal anësor të rrugës, më pas ka gjetur vdekjen e menjëhershme. Aktualisht, autori 41-vjeçar është vendosur në pranga.
Mësohet se familja e Jakut kishte bërë mbi 20 kallëzime në Polici për shkak të përplasjeve që kishte me fqinjët e tyre në lidhje me pronat./ZËRI
