TIRANË- "Ervin Mata mund të jetë i përfshirë në zhdukjen e Ervis Martinajt", të paktën kështu është shprehur gazetarja e kronikës Klodiana Lala teksa fliste për arrestimin e ish-kryepolicit të Tiranës Erzen Breçani dhe lidhjet e tij me Ervin Matën. Ky i fundit kundërshtar i përbetuar i Ervis Martinajt.
E ftuar në "News 24", Lala tha Mata është personazh i rëndësishëm në fushën e narkotrafikut nga Amerika Latine. Ndërkohë, shtoi se ai mund jetë i përfshirë në zhdukjen e Martinajt.
Klodiana Lala: Ervin Mata është personazhi kryesor i përplasjes në ish-Bllok në vitin 2018 ku u përplas ashpër me Ervin Martinajn. Për këtë ngjarje që në atë kohë u përdor emri i këngëtares, Elvana Gjata, unë e kam bërë të qartë se ishte një përplasje në fushën e narkotrafikut. Përplasja midis dy grupeve kriminale kishte ardhur për shkak të trafikut të drogave të forta. Dënimet ishin mjaft të lehta. Edhe Meviol Bilo, ish-komando u dënua me një dënim qesharak pasi u cilësua një vrasje e atypëratyshme dhe nuk u hetua më gjatë për arsye që mbet t’i hetojë Prokuroria e Posaçme. Ky është Ervin Mata i konsideruar një personazh dhe faktor kryesor në trafikun e drogave të forta nga Amerika Latine drejt Bashkimit Evropian. Ai nuk qëndron në Shqipëri pjesën më të madhe të kohës. Këtë verë ka qenë një ose dy herë me periudha të shkurtra dhe mendohet se jeton në Argjentinë dhe Bolivi etj. Djali i zt.Breçani, pasi ka lidhje krushqie me Ervin Matën, dyshohet të jetë i përfshirë në çështje të trafikut të drogës. Kush është personazhi surprizë për median shqiptare? Unë e kam njohur disa vite përpara dhe për herë të parë e kam hasur me dokumente zyrtare në 2014 kur autoritetet e Maqedonisë së Veriut, ku dyshohet se ka lidhje edhe me zhdukjen e Ervis Martinit. Bujar Gërmizi, është ish-oficer i forcave speciale, ish-gardist, shoqërues i disa personaliteteve të ministrave dhe ish-ministrave. Ishte arrestuar nga autoritetet e Maqedonisë së Veriut për çështje të trafikut të drogës, u arratis në një arratisje spektakolare nga burgu. Pati një përpjekje titanike atje për ta arrestuar. Ai hyri në Shqipëri dhe kërkoi që dosja të sillej këtu. Autoritetet maqedonase nuk pranuan dhe kërkuan të arrestohej dhe më pas të sillej dosja. Duke qenë se ishte në veri të vendit, duket se nuk tërhoqi vëmendjen. Për shkak të punës në Gardën e Republikës dyshohej për grabitjen e Bankës së Kursimeve në shuma të konsiderueshme prej 300 apo 400 milionë lekë. U arrestua dhe u dërgua në burg në Prizren, pati revolta të forta. Kohët e fundit mendohet se ishte lidhur me disa grupe kriminale. Është i futur thellë në trafikun e drogës dhe këtu bëhet lidhja me Ervin Matën. Është duke u hetuar edhe në lidhje me zhdukjen e Ervis Martinajt.
Por kush është Ervin Mata?
Ervin Mata, 35 vjeç njihet si pronari i një prej hoteleve që ndodhet në “Rrugën e Dibrës”, në Tiranë, “VICTORIA”, i cili në fakt sipas të dhënave të Qendrës Kombëtare të Buiznesit, rezulton i regjistruar në emër të babait të tij, Luan Mata. Po ashtu ka zbardhur është pronari i “Ekspozita Building”, është 93 metra e lartë pranë zonës së ish-Ekspozitës.
I riu nga Tirana doli për herë të parë në skenë pas masakrës së ndodhur në ish-Bllok, ku mbeti i plagosur dhe rivali i tij, Ervis Martinaj, i cili rezulton i zhdukur prej 9 gushtit të vitit të kaluar. Arratinë për gati 6 muaj nga 4 tetori i vitit 2018 deri më 2 mars të vitit 2019 që u vetëdorëzua para bluve, Mata e argumentonte me faktin se ishte larguar pasi ishte frikësuar.
Përtej çdo raportimi, Ervin Mata nuk ka qenë kurrë objekt i veprimit të ligjit, deri më sot, kur u lëshua urdhër arresti dhe nuk dihet saktësisht se për çfarë akuzohet apo se në cilin krim është përfshirë.Në muajt në vijim, Ervin Mata u lakua në media, vetëm për hipotezat nëse ishte ndarë apo jo nga këngëtarja me të cilën kishte ndërruar dhe ‘nishanet’, por në fillimin e këtij viti, u aludua për një zhdukje/vetëzhdukje të tij në Bolivi, vend të cilin e vizitonte shpesh, pasi kishte siguruar një linjë kokaine mes tij dhe Evropës./Zëri.ai
