ITALI- “Sapo të diplomohesh, do të të punësoj,”-ky është premtimi i Federico Boriosi, pronar i restorantit Il Sesto Canto, të cilin ia bëri Orlando Bushajt, 16-vjeçarit të lindur në Shqipëri. Sipas mediave italiane, ai udhëton çdo ditë me autobus 80 km (ardhje vajtje-ardhje), për te ndjekur kursin e kuzhinës në shkollën Bufalini në Città di Castello.
Orlando, i lindur në Shqipëri dhe mbërriti në Itali pas një udhëtimi të gjatë me autobus - duke lënë nënën e tij pas shtëpiake dhe babanë murator në Greqi. Ai ka treguar gjithmonë një interes, pasion për gatimin. Në Shqipëri, ndoqi shkollat e zakonshme deri në moshën 15-vjeçare. Ai ka fituar së fundmi një bursë, në kujtim të Silvana Benigno, e cila vdiq pas një beteje të gjatë me kancerin katër vjet më parë.
"Ëndrra e tij është të bëhet kuzhinier dhe të hapë restorantin e tij. Ai dëshiron të punojë për të ndihmuar familjen e tij. Gjithmonë ka spikatur për pjesëmarrjen dhe angazhimin e tij të plotë. I përgjegjshëm dhe respektues i rregullave të shkollës, ai ndjek me kujdes dhe shquhet për motivimin dhe këmbënguljen në kryerjen e veprimtarive praktike dhe teorike të kërkuara,"- thonë mësuesit.
Federico Boriosi, pronar i restorantit 'Il Sesto Canto', duke pasur parasysh cilësitë e djalit në kuzhinë, i ka propozuar tashmë që t'i ofrojë Orlandos një punë në restorantin e tij në "Città di Castello". Por vetëm pasi 16-vjeçari të ketë përfunduar me sukses studimet./ZËRI
