TIRANË- Rrjeti i dyqaneve “KFC” në Shqipëri ka shitur mish pule të kontaminuar me salmonelë. Alarmi për këtë rast është dhënë nga portali “RASFF” i Bashkimit Evropian që më datë 8 korrik 2024. "Ora News" ka zbuluar dokumentin dhe i është drejtuar me një kërkesë për informacion vetë rrjetit të dyqaneve KFC dhe Autoritetit Kombëtar të Ushqimit (AKU).
AKU në përgjigjen e kthyer bën me dije se në vend janë importuar 1535.04 kg mish pule dhe nga inspektorët e AKU janë bllokuar vetëm 177.12 kg. Pra deri në momentin që është bërë ndërhyrja nga AKU, rrjeti “KFC” ka shitur 1357 kg mish pule që kanë qenë të kontaminuara me bakterin e salmonelës.
Ndërsa përfaqësuesi i rrjetet "KFC" bën me dije se pasi kanë marrë informacion për mishin e kontaminuar, kanë bërë inspektime në magazina dhe e kanë asgjësuar. Por nuk kanë dhënë asnjë sqarim lidhur me tregtimin e produktit që është shitur dhe konsumuar nga klientët e këtij rrjeti, të cilëve u është rrezikuar jeta.
Çfarë është Salmonela?
Salmonella është lloji i baktereve që është shkaku më i shpeshtë i raportuar i sëmundjeve të lidhura me ushqimin. Ju nuk mund ta shihni, nuhatni ose shijoni atë. Sëmundja nga këto baktere quhet zyrtarisht salmoneloza. Mund të shkaktojë shqetësim në stomak, diarre, ethe dhe dhimbje dhe ngërçe në bark. Shumica e njerëzve përmirësohen vetë në shtëpi brenda 4 deri në 7 ditë.
Shumica e shenjave dhe simptomave të një infeksioni me salmonelë janë të lidhura me stomakun. Ato përfshijnë: • Dhimbje stomaku; • Gjak në feçe; • Diarre; • Ethe; • Dhimbje koke; • Të vjella. Simptomat priren të fillojnë 8 deri në 72 orë pas infektimit. Shumica e simptomave zakonisht nuk zgjasin më shumë se një javë, por mund të duhen disa muaj që lëvizjet e zorrëve tuaja të kthehen në normale./ZËRI
