TIRANË- Apeli i Gjykatës së Posaçme Kundër Korrupsionit dhe Krimit të Organizuar ka lënë në fuqi dënimin me 11 vite burg për Leonard Luzin, i cili akuzohet se ka tentuar të vrasë Inez Hajrullën. Për shkak se përfiton nga gjykimi i shkurtuar, do të dënohet me 7 vite e 4 muaj burg.
Leonard Luzi u vu në pranga pas rrëfimit të Amarildo Nikollit, i cili ishte personi që u vu në pranga pasi ishte nisur të vriste Hajrullën. Bashkëpunimi i Nikollit alias Xhanej çoi në shpalljen në kërkim të Luzim dhe më pas në arrestimin e tij dhe ekstradimin nga Spanjë në Shqipëri.
Dyshja janë përballur dhe në Gjykatë në momentin që Gjykata e Posaçme ka dhënë vendimin për dënimin e Luzit dhe ky i fundit e ka kërcënuar Amarildo Nikollin (Xhanej).
"Do ta shohësh ti Amarildo. Do e shikojmë kur të dal nga burgu,"-është shprehur Luzi, duke goditur edhe me grusht xhamin e kafazit të gjyqit.
Për ngjarjen, GJKKO ka dënuar me 11 vite burg edhe Muharrem Korroveshin, ndërsa me 2 vite e 9 muaj burg Amarildo Nikollin, pasi ky i fundit fitoi statusin e bashkëpunëtorit të drejtësisë.
