ELBASAN- Arrestohet njëri prej autorëve të konfliktit ku u qëllua me armë në, ngjarje e ndodhur në nëntor 2023 në Peqin ku i pranishëm ka qenë dhe kryetari i bashkisë, Bukurosh Maçi. Policia ka arrestuar Adriatik Çekën 40-vjeç të shpallur në kërkim për tentativë vrasje. Çeka në 24 nëntor 2023, në lagjen “Xhami” gjatë një konflikti për motive të dobëta ka qëlluar me armë zjarri shtetasin me iniciale A. L. Gjykata e Elbasanit ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit”.
Njoftimi i policisë:
Vijon megaoperacioni policor kombëtar “Sundimi i ligjit”, për kapjen e shtetasve në kërkim. Kapet dhe vihet në pranga një 40-vjeçar i shpallur në kërkim për veprat penale “Vrasja me dashje”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit”.
I ndaluari, i dënuar me parë për krime ndaj personit dhe armëmbajtje pa leje.
Në vijim të aksioneve intensive të Policisë, të kryera në kuadër të operacionit policor kombëtar të koduar “Sundimi i ligjit”, për kapjen e shtetasve në kërkim bazuar në informacionet e siguruara nga inteligjenca policore, shërbimet e Komisariatit të Policisë Peqin, të Forcës Speciale FNSh dhe ata të Seksionit për Hetimin e Krimeve ndaj Personit, lokalizuan, kapën dhe vunë në pranga shtetasin A. Ç., 40 vjeç, banues në Peqin.
Për këtë shtetas, Gjykata e Shkallës së Parë e Juridiksionit të Përgjithshëm Elbasan ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit”.
Më datë 24.11.2023, në lagjen “Xhami”, Peqin, gjatë një konflikti për motive të dobëta me shtetasin A. L., shtetasi A. Ç. ka qëlluar me armë zjarri drejt tij.
Materialet procedurale i kaluan Prokurorisë, për veprime të mëtejshme.
/ZËRI
