TIRANË- Kozak Braçi ka mbetur pa makinë! Policia Rrugore i ka sekuestruar makinën personazhit të njohur të "TikTok" për shkak se është konstatuar se kishte shkelur disa rregulla të qarkullimit rrugor. Sipas asaj që bën me dije Policia, në orët e para të mëngjesit, më konkretisht 3.00, ai kishte hyrë live në rrjetin social "TikTok". Pas ndalimit të tij, efektivët konstatuan se Braçi ishte i dehur në timon dhe po drejtonte mjetin me shpejtësi tej normave të lejuara në zonat e banuara. Gjithashtu, nuk kishte shkelur as semaforët. Kështu që "blutë" vendosën që t'i sekuestronin mjetin.
MOMENTI ME VIDEO:
NJOFTIMI I POLICISË:
Gjatë javës së fundit, Komisariati i Policisë Rrugore Tiranë ka intensifikuar kontrollet për të garantuar sigurinë rrugore, duke rezultuar në një numër të lartë arrestimesh, procedimesh penale, dhe masa administrative ndaj shkelësve të rregullave të qarkullimit. Arrestime dhe Procedime Penale:
7 persona u arrestuan për drejtim mjeti nën ndikimin e alkoolit.
8 persona u proceduan për drejtim mjeti pa leje.
9 persona u ndaluan për shkelje të rregullave të qarkullimit rrugor.
1 person u arrestua për drejtim mjeti nën ndikimin e lëndëve narkotike.
Masat Administrative:
7,889 masa administrative u vendosën gjatë javës, me një mesatare prej 1,127 masash në ditë.
20 masa për xhama të zinj.
261 masa për shpejtësi mbi normat e lejuara.
189 masa për përdorim të celularit gjatë drejtimit të automjetit.
472 masa për mos vendosjen e rripit të sigurimit.
186 masa për mosdhënie përparësie qytetarëve.
5,724 masa për qëndrime të gabuara.
363 masa për mospërdorim të kaskës mbrojtëse apo jelekut fosforeshent.
Pezullime dhe Bllokime:
11 raste pezullimi për drejtim nën ndikimin e alkoolit.
11 raste pezullimi për tejkalim të shpejtësisë./ZËRI
