MOSKË- TEHERAN- Presidenti rus Vladimir Putin dhe homologu i tij iranian Masoud Pezeshkian zhvilluan një bisedë telefonike, njoftoi Kremlini. Kjo është biseda e dytë në brenda pak ditëve që dy presidencat zhvillojnë me njëra-tjetrën, telefonata e parë u mbajt më 6 mars.
Gjatë bisedës, sipas palës ruse, të dy udhëheqësit vazhduan të diskutonin situatën në Lindjen e Mesme, duke u përqendruar në zhvillimet që lidhen me "agresionin izraelito-amerikan kundër Iranit".
Kremlini tha se Putin përsëriti qëndrimin themelor të Rusisë në favor të një deeskalimi të shpejtë të krizës dhe një zgjidhjeje të konfliktit përmes mjeteve politike dhe diplomatike.
SHBA-të dhe Izraeli nisën atë që e përshkruan si një sulm parandalues kundër Iranit më 28 shkurt, duke pretenduar se Teherani po zhvillonte një armë bërthamore dhe po paraqiste një kërcënim - një akuzë që Irani e ka mohuar. Në përgjigje, Irani nisi kundërsulme, duke qëlluar raketa dhe dronë drejt Izraelit, si dhe ndaj aseteve amerikane dhe objektivave të tjera në të gjithë Lindjen e Mesme./ZËRI
