SHBA- Presidenti Trump tha të hënën pasdite se SHBA-të "NUK" do të zbatojnë sulmet e "planifikuara" ndaj Iranit të martën, pasi tha se vendet partnere në Lindjen e Mesme i kërkuan të pezullonte.
Përmes një postimi në Truth Social, Trump tha se bombardimet ishin planifikuar për nesër, por ai i pezulloi me kërkesë të liderëve të Katarit, Arabisë Saudite dhe Emirateve Arabe, për t’i dhënë mundësi arritjes së një marrëveshjeje.
"Sipas mendimit të tyre, si Udhëheqës të Mëdhenj dhe Aleatë, do të arrihet një Marrëveshje, e cila do të jetë shumë e pranueshme për Shtetet e Bashkuara të Amerikës, si dhe për të gjitha vendet në Lindjen e Mesme dhe më gjerë", shkroi ai. "Kjo Marrëveshje do të përfshijë, më e rëndësishmja, ASNJË ARMË BËRTHAMORE PËR IRANIN!"
Ai tha se u tha udhëheqësve të Pentagonit se, ndërsa "nuk do ta bëjmë sulmin e planifikuar ndaj Iranit nesër", ai i udhëzoi ata "të jenë të përgatitur për të vazhduar me një sulm të plotë dhe në shkallë të gjerë ndaj Iranit, në çdo moment, në rast se nuk arrihet një marrëveshje e pranueshme".
Pasi Trump njoftoi se shtyrjen e sulmeve ndaj Iranit, çmimet globale të naftës shënuan rënie. Nafta e papërpunuar Brent, standardi global i tregut, ra me rreth 2% gjatë natës, duke zbritur nën nivelin e 110 dollarëve për fuçi./ZËRI
