SHBA-Një stuhi e madhe dimërore po godet disa pjesë të SHBA-së, duke lënë të paktën 20 të vdekur. BBC raporton se tetë viktikma janë regjistruar në Nju Jork, ndërsa të tjerat janë regjistruar në Tenesi, Luiziana, Massachusetts, Kansas dhe Pensilvani.
Më shumë se 10,000 fluturime janë anuluar ose vonuar pasi qindra mijëra njerëz kanë mbetur pa energji elektrike. Sipas Shërbimit Kombëtar të Motit (NWS), shkollat dhe rrugët në të gjithë vendin janë mbyllur dhe fluturimet janë anuluar, ndërsa kushtet kërcënuese për jetën shtrihen nga Teksasi në Anglinë e Re. 15 shtete përballen me një shtresë bore që arrin 30 cm ose më shumë.
I ftohti ekstrem me akull dhe borën, do ta bëjë më të vështirë për ekipet të rivendosin energjinë elektrike, pasi temperaturat e ulëta do të vazhdojnë gjatë gjithë javës së ardhshme.
Autoritetet paralajmëruan për të ftohtë kërcënues për jetën që mund të zgjasë një javë pas stuhisë, veçanërisht në Rrafshnaltat Veriore dhe Midwest-in e Sipërm, ku parashikohet që temperaturat minimale të ulen në ekstreme nën -45 gradë Celsius. Temperatura të tilla mund të shkaktojnë ngrirje brenda pak minutash.
Shkencëtarët thonë se frekuenca në rritje e ndërprerjeve të tilla të vorbullës polare mund të jetë e lidhur me ndryshimet klimatike.
