VATIKAN- Pavarësisht nëse ato mbajnë rezerva ari, sekrete qeveritare ose kokrra gruri, këto ndërtesa "tepër sekrete" janë të mbuluara me mister.
Banka Botërore e Farave Svalbard, Norvegji
Kjo është një arkë farërash nga i gjithë planeti, në arkipelagun e izoluar të Svalbardit në Oqeanin Arktik. E mbështjellë në errësirë totale për gati katër muaj të vitit, ajo është e rrethuar nga shkëmbinj dhe akull që sigurojnë që edhe pa energji elektrike mostrat do të mbeten të ngrira.
Pionen, Suedi
Firma arkitekturore Albert France – Lanord projektoi qendrën e të dhënave të ofruesit të internetit Bahnhof në një ish strehë bërthamore në Stokholm. Tridhjetë metra poshtë shkëmbinjve graniti të parkut Vita Berg, 1200 m2.
SIS / MI6
Ndërtesa shumëkatëshe post-moderne në Vauxhall u përfundua në vitin 1994 dhe thuhet se ka edhe një tunel nën Thames që e lidh atë me Whitehall. Fasada komplekse me shtresa të panumërta i jep 60 çati të ndryshme, ndërsa ka edhe dy hendeqe për mbrojtje.
BND, Berlin
Ndërtesa e Bundesnachrichtendienst, Shërbimi Federal i Inteligjencës i Gjermanisë, u hap në vitin 2019 pas një vonese shtatëvjeçare, duke kushtuar 1.23 miliardë dollarë dhe projektuar nga firma arkitekturore gjermane Kleihues + Kleihues. Rregullat për punonjësit janë të rrepta - pa telefona celularë dhe laptopë, pa qasje në emailet personale dhe mediat sociale.
CIA, SHBA
Selia e CIA-s në Langley u projektua në mesin e viteve 1950 nga firma e njohur arkitekturore e Nju Jorkut, Harrison & Abramovitz. Një vend që do të kishte një atmosferë kampusi, të sigurt dhe të izoluar, por edhe afër Uashingtonit.
Archivio Apostolico Vaticano, Vatikan
Arkivat Apostolike të Vatikanit deri në fillim të shekullit të 17-të ndodheshin në bibliotekën e Vatikanit, por pas veprimit të Papa Palit V ato u zhvendosën në Cortile del Belvedere një kryevepër arkitekturore e Rilindjes me akses jashtëzakonisht të kufizuar. Disa nga miliona dokumente mbahen në një kasafortë dykatëshe nën Cortile della Pigna të Muzeut të Vatikanit. Vatikani nuk lejoi hyrjen për të huajt deri në vitin 1881 dhe sot hyrja është e kufizuar në 60 studiues të përzgjedhur paraprakisht çdo ditë.
Fort Knox Kentucky, SHBA
Kasaforta, e përdorur për të ruajtur pjesën më të madhe të rezervave të arit të Shteteve të Bashkuara, si dhe sende të tjera me vlerë, njihet gjithashtu si Depozita e shufrave të Shteteve të Bashkuara dhe shprehja "Është si Fort Knox" është bërë sinonim i sigurisë. Ambientet monitorohen nga video kamera për shikim natën dhe mikrofona me rezolucion të lartë, ndërsa kasaforta e nëndheshme është prej pllaka çeliku./ZËRI
