SHBA- John Kennedy, një senator i Luizianës, bëri një pohim të çuditshëm se njerëzit që hanë karkaleca të huaj, "radioaktivë", ose do t'i bëjnë ata të duken si "alienë" ose ai "garanton se do t'ju rritet një vesh shtesë".
Ai gjithashtu e lidhi këtë me filmin e njohur fantastiko-shkencor dhe horror të vitit 1979, Alien, duke mbajtur posterin e tij. “Z. President, kjo është një fotografi e alienit nga filmi ‘Alien’. Kështu mund të dukeni nëse hani disa nga karkalecat e ngrira të papërpunuara që dërgohen në SHBA nga vendet e tjera. Tani, më lejoni t'ju tregoj për çfarë po flas”, tha ai.
Kennedy paralajmëroi amerikanët se ngrënia e karkalecave të ngrirë të importuar nga jashtë mund t’i shndërrojë në “alienë”.
“Nëse e ha, si mund të dukesh si alieni në filmin ‘Alien’? Sepse karkaleci ishte radioaktiv. Nuk po të gënjej. Kishte një izotop radioaktiv në të, të quajtur cezium-137. Do të të vrasë. Edhe nëse nuk të shndërron në alien nëse e ha këtë gjë, të garantoj se do të të rritet një vesh shtesë.”, tha Kennedy.
If you eat some of the radioactive frozen shrimp that foreign countries are sending to America, you may end up looking like this picture from the movie, “Alien!” pic.twitter.com/cdzWUF3G3v
— John Kennedy (@SenJohnKennedy) September 3, 2025
Në fund të gushtit, Kennedy tha se Administrata e Ushqimit dhe Barnave (FDA) kishte zbuluar ndotje radioaktive në karkalecat e ngrira të importuara nga Indonezia, të cilat po shiteshin në lokacionet e Walmart në 13 shtete, duke përfshirë Alabama, Arkansas, Florida, Georgia, Kentucky, Luiziana, Missouri, Misisipi, Ohajo, Oklahoma, Pennsylvania, Teksas dhe Virxhinia Perëndimore.
Pas zbulimit, FDA lëshoi një tërheqje nga tregu për karkalecat e ngrira të markës Great Value. Megjithatë, Kennedy vuri në dukje se pak më vonë, një incident i ngjashëm ndodhi përsëri.
Tani, sipas tij, si FDA ashtu edhe Administrata Kombëtare Oqeanike dhe Atmosferike (NOAA) zbuluan se 26,460 pako me koktej karkalecash dhe 18,000 qese me karkaleca të ngrira të gatuara, të shitura në dyqanet Walmart dhe Kroger në të gjithë vendin, përmbanin gjithashtu të njëjtin izotop radioaktiv.
Kennedy përmendi se karkalecat e importuara duhet të ekzaminohen nga NOAA, e cila është nën varësinë e Departamentit të Tregtisë, por në realitet, vetëm rreth 1% e karkalecave të importuara i nënshtrohen inspektimit para se të arrijnë në treg, "në një ditë të mirë, 2%."/ZËRI
