SHBA- Gjyqi federal penal i reperit Sean "Diddy" Combs fillon sot me përzgjedhjen e jurisë. Manjati i muzikës ka qenë në paraburgim që nga arrestimi i tij në shtator 2024. Ai është deklaruar i pafajshëm për akuzat e ngritura ndaj tij, por nëse dënohet për të gjitha akuzat, dënimi do të jetë burgim i përjetshëm. Cobbs përballet me gjithsej pesë akuza. Në shtator 2024, ai u arrestua në Nju Jork për shantazh, trafikim të qenieve njerëzore me qëllim prostitucionin. Prokurorët pretendojnë se Cobbs detyroi të paktën tre gra të kryenin akte seksuale me të.
Autoritetet gjithashtu pretendojnë se Cobbs regjistroi disa nga aktet seksuale për të shantazhuar "viktimat" e tij.
Kamerat nuk do të lejohen
Gjyqi i Cobbs nuk do të transmetohet në televizion, në përputhje me rregullat e gjykatës federale. Çdo imazh i brendshëm i sallës do të përcillet nga një karikaturist.
Gjyqtari
Gjyqtari Arun Subramanian do të kryesojë gjyqin e Cobbs. Ai mori detyrën në vitin 2023, pasi u emërua nga Presidenti Joe Biden në vitin 2022. Ai e ka kaluar pjesën më të madhe të karrierës së tij në firmën ligjore "Susman Godfrey" si avokat i çështjeve civile, po ashtu ai punoi si këshilltar ligjor i gjyqtares së Gjykatës së Lartë, Ruth Bader Ginsburg.
Avokatët
Mark Agnifilo dhe Tenny Geragos janë dy avokatët kryesorë që përfaqësojnë Cobbs-in, me Brian Steele që iu bashkua ekipit në prill. Geragos është vajza e kriminologut të njohur Mark Geragos, i cili më parë ka përfaqësuar klientë të famshëm si vëllezërit Menendez dhe Michael Jackson. Nga Zyra e Prokurorit të SHBA-së për Distriktin Jugor të Nju Jorkut, janë caktuar: Meredith Foster, Emily A. Johnson, Kristi Slavik, Maddiston Redick Schmeiser dhe Midge Steiner.
Dëshmitarët
Qeveria ka identifikuar 4 viktima në dokumentet e gjykatës, të cilët pritet të dëshmojnë në gjyq. Gjatë seancës paraprake dëgjimore më 18 prill, gjykatësi Subramanian vendosi që tre nga katër dëshmitarët mund të dëshmojnë me pseudonime. Personi i referuar si "Viktima 1" në aktakuzë, ish-e dashura e Cobbs, Cassie Ventura, zgjodhi të dëshmonte me emrin e saj të vërtetë. "Viktima 3" zgjodhi gjithashtu të dëshmonte me emrin e saj të vërtetë. Ventura ngriti një padi kundër Combs në vitin 2023, në të cilën ajo pretendoi se ai e përdhunoi në vitin 2018 dhe e nënshtroi ndaj vitesh abuzimi të përsëritur fizik. Cobbs i mohoi akuzat e saj dhe padia u tërhoq një ditë pas dëshmisë së saj./ZËRI
