ITALI- Një kontroll, i zhvilluar në fund të vitit 2022, për të verifikuar se ato që deklarohen në rrjet nga influencerat zbuluan një shumë prej mbi 11 milionë eurosh, të padeklaruara në organet tatimore. Pjesë e listës janë 4 influencues, 5 krijues dixhitalë nga Bolonja, ndër to edhe sipërmarrësi dhe DJ Gianluca Vacchi dhe YouTuber-i Luis Sal.
Sipas ANSA, ky i fundit në Instagram ka komentuar kontrollin, i cili ka të bëjë vetëm me asaspektin tatimor dhe nuk ka asnjë rëndësi penale.
Në një rrëfim, duke iu drejtuar ndjekësve të tij, ai shpjegoi: Unë nuk kam kryer evazion fiskal: kam deklaruar gjithmonë gjithçka, gjithmonë i kam paguar të gjitha taksat, shpesh herë paraprakisht, me kredi. Po zhvillohet një hetim: janë kontrolle normale. Fatmiresisht kam profesionistë që kanë vite që i kanë deklaruar gjërat siç duhet. Do e shohim sesi do të përfundojë. Ndërkohë që më vjen keq që në rrjet po shkruhet 'Luis Sal evazion taksash', 'ndikues që nuk paguajnë taksa'...kjo është pak e pakëndshme. Edhe sikur të shihja veten në rrugë tani, do t'i bija një shuplakë vetes. Pra, nëse më shihni në rrugë, ju lutem mos më goditni.
Në orët e vona të pasdites, Vacchi, përmes avokatit të tij, Gino Bottiglioni, lëshoi gjithashtu një shënim për të sqaruar pozicionin e tij.
“Pas kontrollit tatimor të kryer nga policia financiare në lidhje me veprimtarinë artistike profesionale për periudhat tatimore 2017-2019 taksa shtesë e konstatuar nga inspektorët kap vlerën afërsisht 6 mijë euro dhe nuk i referohet të ardhurave të fshehura, por zbritjes së kostove. Asgjë tjetër nuk është njoftuar nga autoritetet kompetente në lidhje me atë që është publikuar e cila duhet të konsiderohet si e pabazë".
Ndikuesit e tjerë të përfshirë janë Eleonora Bertoli dhe Giulia Ottorini, të njohura gjithashtu në TikTok. Të gjithë personat e sanksionuar, aktualisht raportohet se kanë paguar shumat që i detyrohen thesarit të shtetit italian./ZËRI
