SPANJË- "Mbretërorët" e Spanjës u pritën me ofendime dhe sulme nga banorët e qytetit të Valencias. Teksa Mbreti i Spanjës, Felipe dhe bashkëshortja e tij, Letizia kishin shkuar për të vizituar zonën pas përmbytjeve që i morën jetën më shumë se 200 personave, vendasit nuk i pritën aspak mirë. Ndërsa bërtisnin "vrasës", qytetarët hodhën baltë mbi çiftin mbretëror, duke i cilësuar si fajtor për humbjen e 217 jetëve, bilanc që pritet që të shtohet me kalimin e orëve.
Në një moment, turma ishte aq afër sa mundën edhe të bisedonin me mbretin, por ky i fundit u tha: Nëse doni nuk vij më dhe qëndroj në Madrid.
Por as kjo ofertë nuk pati asnjë ndikim.
Jose Ribelles, një punonjës supermarketi 23-vjeçar, jeta e të cilit u shkatërrua nga përmbytjet, i tha Times: Çfarë prisnin ata? Që ne t'i themi ndonjë fjalë të ëmbël? Shteti spanjoll nuk bëri aq sa duhet që të na mbronte. Ata donin të na vrisnin. Gjëja e parë që duhet të bëni është të paralajmëroni njerëzit kur një digë është gati të mbingarkohet dhe të çahet. Nuk mund t'i paralajmërosh njerëzit kur ata tashmë janë duke u mbytur.
Ai tha se ishte dëshmitar i disa trupave të pajetë në supermarketin ku ai punonte.
“Ka pasur 12 vdekje mes kolegëve të mi. Përmbytja i futi në garazh.'
Mbreti dhe mbretëresha kaluan një orë duke u përpjekur të qetësonin banorët e zonës përpara se të largoheshin. Megjithëse duhej të vizitonin një qytet tjetër aty pranë, Chivan, ata 'e shtynë vizitën', nga frika e një pritjeje të ngjashme. Por revolta e spanjollëve nuk është ndaluar vetëm me mbretin pasi kërkojnë edhe dorëheqjen e kryeministrit Pedro Sanchez./ZËRI
