Një avion Boeing 737 në Afrikën e Jugut humbi rrotën e tij pak pas ngritjes, duke bërë që ai të bënte një ulje emergjente. Stafi i sigurisë në Aeroportin Ndërkombëtar të Johanesburgut vuri re se avioni FlySafair kishte pësuar dëmtime në pajisjen e tij të uljes gjatë ngritjes të shtunën më 21 prill.
Pasi u urdhëruan të ktheheshin, pilotët bënë një kalim të ulët mbi pistë në mënyrë që inxhinierët të mund të inspektonin dëmin. Ata përcaktuan se një nga katër rrotat e pasme kishte rënë gjatë ngritjes dhe urdhëruan avionin të ulet. Video e uljes tregon rrotën duke u shpërbërë teksa avioni tentoi të shkonte i shoqëruar në pistë.
Asnjë nga pasagjerët nuk u lëndua, të cilët u transferuan në destinacionin e tyre me një fluturim tjetër. Incidenti, siç theksohet nga Daily Mail, vjen në mes të trazirave për kompaninë që nga dëshmia e sinjalizuesit Sam Salhpour në Kongres javën e kaluar. Inxhinieri i kompanisë akuzoi kompaninë se "luan ruletë ruse" me jetën e njerëzve.
Incidentet filluan me shkuljen e derës në një fluturim në janar, e cila pothuajse rezultoi fatale për pasagjerët. Kjo u pasua në mars nga humbja e një rrote në një fluturim të United Airlines nga San Francisko në mars dhe të tjera në një shkallë më të vogël. Kompania thotë se pretendimet për integritetin strukturor të Boeing 787 janë të rreme./ZËRI
