IZRAEL-Hezbollahu lëshoi 140 raketa në veri të Izraelit vetëm një ditë pasi udhëheqësi i grupit militant Hassan Nasrallah shpalli hakmarrjen për një seri shpërthimesh në Liban gjatë tre ditëve të fundit. Banorët e kryeqytetit libanez kanë publikuar pamjet që tregojnë tym të dendur, por dëgjohen edhe avionë luftarakë izraelitë. Si pasojë e sumit janë të paktën tetë viktima dhe mes tyre ka edhe fëmijë. Mes viktimave raportohet të jetë edhe komandanti i lartë i Hezbollahut, Ibrahim Aqil.
Si pasojë e sumit janë të paktën tetë viktima dhe mes tyre ka edhe fëmijë. Të paktën 58 persona u plagosën. Hezbollahu tha se kishte shënjestruar disa vende përgjatë kufirit me raketat ruse "Kacush", duke përfshirë disa baza, si dhe selinë e brigadës së blinduar izraelite, e cila tha se ishte goditja e parë.
Kush është Ibrahim Aqil
Ibrahim Aqil ishte një nga figurat me ndikim përgjegjës për organizimin dhe drejtimin e operacioneve komplekse ushtarake. Në vitet 1980, Aqil ishte një anëtar i rëndësishëm i Organizatës së Xhihadit Islamik të lidhur me Hezbollahun, duke marrë përgjegjësinë për bombardimin e Ambasadës së SHBA-ve në Bejrut në prill 1983, e cila rezultoi në 63 viktima, si dhe bombardimin e kazermave të marinës amerikane në Tetor 1983, i cili vrau 241 personel amerikan. Ai gjithashtu mbikëqyri operacionin që çoi në marrjen peng të shtetasve amerikanë dhe gjermanë në Liban gjatë asaj dekade. Departamenti Amerikan i Shtetit e caktoi Aqilin si një terrorist global të caktuar posaçërisht më 10 shtator 2019, sipas Urdhrit Ekzekutiv 13224, i ndryshuar./ZËRI
