BRUKSEL- Në selinë e NATO-s, kishte personel rus që nuk kryente punë diplomatike, por detyra inteligjente, zbuloi Sekretari i Përgjithshëm i NATO-s, Jens Stoltenberg. Në një intervistë për gazetën gjermane Bild me rastin e 75-vjetorit të Aleancës së Atlantikut të Veriut, ai zbulon se NATO ka larguar “personelin rus nga selia e saj në Bruksel”.
Stoltenberg tha: “Dhe kjo sepse e kuptuam që ata kryenin aktivitete, të cilat në fakt nuk ishin detyra diplomatike, por detyra të shërbimit sekret. Kemi parë që shërbimet sekrete ruse kanë shumë vite që veprojnë në vendet evropiane. Gjithashtu vërejmë se janë bërë përpjekje për intensifikimin e aktiviteteve të tyre. Nga ana tjetër, sigurisht që edhe aleatët e NATO-s i ndjekin nga afër këto aktivitete.
Pas intervistës së sekretarit të përgjithshëm, një zyrtar i lartë i NATO-s sqaroi se formalisht përçarja midis NATO-s dhe Rusisë kishte ndodhur që në tetor 2021, disa muaj para pushtimit rus të Ukrainës, kur Rusia pezulloi misionin e saj diplomatik në NATO.
Në fakt, NATO, pas intervistës në fjalë nxitoi të theksojë se sekretari i përgjithshëm po i referohet “incidenteve që kanë ndodhur vitet e fundit dhe jo muajt e fundit./ZËRI
