LIBI- Numri i të vdekurve nga stuhia Daniel përmes Libisë po i kalon 3000 viktima. Sot, ministri i Shëndetësisë, Othman Abdel Jalil i tha rrjetit televiziv "Al-Massar" se ka shumë të zhdukur, ndaj sipas tij numri i viktimave do të kapë 10,000.
“Situata në Derna po bëhet gjithnjë e më tragjike dhe nuk ka shifra përfundimtare për numrin e viktimave. Shumë lagje nuk janë as të aksesueshme,”-shtoi zyrtari.
???????? Deadly storm winds and heavy floods hit #Libya over the past two days, with estimates of fatalities ranging from hundreds to thousands of people.
— FRANCE 24 English (@France24_en) September 12, 2023
???? FRANCE 24's @ClemenceWaller has this report. pic.twitter.com/4NFwvUIiRG
Stuhia Daniel goditi Libinë lindore të dielën dhe kryesisht zonat bregdetare të rajonit Jabal al-Akhdar dhe rajonin e Bengazit, ku u vendos shtetrrethimi. Në pjesën lindore të Libisë ndodhen puset më të rëndësishme të naftës dhe stacionet terminale të naftës të vendit. Kompania Kombëtare e Naftës (NOC) ka shpallur “gjendjen e gatishmërisë së lartë” dhe ka pezulluar punimet deri në një moment të dytë.
Më shumë se 1000 trupa janë mbledhur në Derna pas përmbytjeve
Më shumë se 1000 trupa janë mbledhur në qytetin lindor të Libisë, Derna.
“U ktheva nga Derna. Është një fatkeqësi e madhe. Trupat janë të shtrirë kudo - në det, në lugina, nën ndërtesa,"- i tha Reuters me telefon Hisem Skiwat, ministër i aviacionit civil dhe një anëtar i komitetit të Emergjencës.
E po ashtu shtoi: Nuk e ekzagjeroj kur them se 25% e qytetit është zhdukur. Shumë e shumë ndërtesa janë shembur.
