Bota

TRAGJIKE në Francë, sulmohet autobusi që transportonte të burgosurin, tre policë të vrarë! Dalin PAMJET

Ndërkohë i burgosuri arriti të arratisej.

E.K
\TRAGJIKE në Francë, sulmohet autobusi që transportonte të
Pamje nga vendi i ngjarjes

Të paktën tre oficerë burgu u vranë në qytetin Yves të Normandisë, në Francën veriore, kur furgoni me të cilin po transportonin një të burgosur u sulmua nga persona të armatosur mëngjesin e së martës. Ministri francez i Drejtësisë Eric Dupond-Moretti raportoi vdekjen e “tre punonjësve” dhe plagosjen e rëndë të tre të tjerëve që ndodheshin në furgon. Ndërkohë i burgosuri arriti të arratisej.

Në fillim u raportua për dy viktima, por numri shkoi në tre më vonë, pasi një nga policët e plagosur ndërroi jetë në spital. I burgosuri, i quajtur Mohamed A, me nofkën "The Fly", i njohur për vjedhje dhe tentativë vrasjeje, po transferohej nga Rouen në Evreux, ndërsa sulmi ndodhi në hyrje të Evreux, pak pas orës 11:00.

Sipas një burimi tjetër policor të kontaktuar nga AFP, sulmi është kryer nga një grup prej disa kriminelësh, të cilët kanë përdorur dy automjete. Një nga ato automjete u gjet i djegur menjëherë pas sulmit, në një vend të pazbuluar. Të njëjtat burime theksuan se edhe kriminelët janë arratisur, ndërsa njëri prej tyre ka mbetur i plagosur.

Reagimi i parë i Emmanuel Macron

“Sulmi i mëngjesit të sotëm, i cili u kushtoi jetën zyrtarëve të burgjeve, është një tronditje për të gjithë ne. Kombi qëndron pranë familjeve, të lënduarve dhe kolegëve të tyre”, shkroi Emmanuel Macron në Twitter./ZËRI

ETIKETA france
Poll

TE NGJASHME

MOS HUMB