SHBA- Presidenti i SHBA-së, Donald Trump, e përshkroi marrëveshjen për një armëpushim dyjavor mes SHBA-së dhe Iranit si një “moment të rëndësishëm për paqen në botë”, duke nënvizuar se ajo mund të hapë rrugën për një periudhë më të qëndrueshme në rajon.
Përmes një postimi në platformën Truth Social, Trump theksoi se SHBA do të kontribuojë në rritjen e qarkullimit në Ngushticën e Hormuzit, duke e konsideruar këtë një zhvillim kyç për sigurinë dhe ekonominë ndërkombëtare.
“Një ditë e madhe për paqen botërore! Irani dëshiron që kjo të ndodhë… Shtetet e Bashkuara do të ndihmojnë në rritjen e trafikut në Ngushticën e Hormuzit. Do të ketë shumë veprime pozitive dhe shumë para”, shkroi ai, duke shtuar se Teherani mund të nisë procesin e rindërtimit.
???????????????????????? ????. ???????????????????? ???????????????????? ???????????????????????? ???????????????? ????????:???????? ???????? ???????????? ????????.????????.???????? pic.twitter.com/Ict1bkhr4b
— Commentary Donald J. Trump Posts From Truth Social (@TrumpDailyPosts) April 8, 2026
Marrëveshja u arrit vetëm pak orë para një sulmi të madh amerikan, me kusht që Irani të rihapte ngushticën strategjike të Hormuzit dhe të ndalte operacionet ushtarake.
