KOSOVË- Vdekja e gazetarit Artjon Turkaj, i cili njihej për humorin e tij të zi në rrjetet sociale, ka sjellë një sërë reagimesh në Shqipëri dhe Kosovë.
Një postim i bërë prej tij në ditën e Krishtlindjeve, ku shkruante “Urime Krishtlindjen, jua bëftë Allahu kabull”, është rimarrë dhe komentuar në rrjetet sociale, nga përkrahës së fesë islame, por edhe imamë të ndryshëm.
Imami Ahmed në postimin e tij në rrjetet sociale, shkruan se gazetarit i ra infarkt sepse u tall me zotin.
Kalaja në postimin e tij shkruan se Zoti komandon zemrën dhe me të nuk duhet të tallemi, duke lidhur kështu shkakun e vdekjes së gazetarit me deklaratën e tij ironizuese.
“Po mos u tallni me Zotin; se të len zemra diku …Zemrën e komandon vetë Ai, Zoti… e jo vetë njeriu. Zini mend! Qoftë mësim për të tjerët! Amin!”-shkruan Kalaja.
Ndërkohë që vdekjen e gazetarit e ka komentuar edhe këngëtari Fero, i cili la muzikën për t’iu përkushtuar fesë.
“Urime vdekjen gazetar, kalofsh mirë sot në varr”, shkruante Fero në postimin e tij në rrjetet sociale.
/ZËRI
