SHBA- Vajza e Hulk Hogan, Brooke kërkoi që të mos merrte pjesë nga testamentit i të atit. Ajo shpjegoi se gjatë dy viteve të fundit ishte distancuar nga babai i saj për të mbrojtur shëndetin e saj mendor. Vajza e Hogan nuk do të trashëgojë asnjë nga pasuritë e babait të saj pasi marrëdhënia e tyre u prish afër fundit të jetës së tij. Legjenda e WWE vdiq në moshën 71 vjeç të enjten, më 24 korrik, pasi pësoi një atak kardiak. Brooke zbuloi të martën, më 29 korrik, se "iu desh të largohej nga i ati për të mbrojtur zemrën e saj". Ajo jo vetëm që u distancua nga jeta e tij e përditshme, por gjithashtu kërkoi që emri i saj të hiqej nga testamenti i tij.
Brooke, në një postim që bëri në Instagram pas vdekjes së babait të saj, deklaroi se nuk kishte konflikt mes tyre, por se ndjeu nevojën të distancohej për të mbrojtur shëndetin e saj mendor.
"Ai më hapi zemrën, më besoi, i dëgjoi lutjet e mia - dhe papritmas diçka ndryshoi. Ai mori vendimin të ndiqte një rrugë që qartë e torturonte. Ndjeva sikur po largoheshim. Mosmarrëveshjet pasuan dhe më vunë një barrë emocionale. Gjatë dy viteve të fundit, më është dashur të tërhiqem për të mbrojtur zemrën time. Burri im është përpjekur të komunikojë diskret me babanë tim pa dijeninë time, për të gjetur një mënyrë të sigurt për të më rikthyer në jetën e tij. Pas vdekjes së tij, i lexova ato mesazhe, por të gjitha më thyen zemrën,"-tregoi ajo.
Sipas TMZ, 37-vjeçarja kishte frikë se do të përfshihej në një mosmarrëveshje të ashpër financiare pas vdekjes së babait të saj. Sipas të njëjtit informacion, vajza e Hogan nuk i besonte askujt në rrethin e ngushtë të babait dhe kërkoi në vitin 2023 që të hiqej nga përfituesit e pasurisë së tij - të njëjtin vit që ajo pati kontakt të fundit me të.
Brooke gjithmonë e ka pasur si përparësi mbrojtjen e të atit nga njerëzit që ajo besonte se po përfitonin nga fama dhe pasuria e tij. Thuhet se ajo u përpoq ta diskutonte çështjen me Hulk Hogan në disa raste, por pas vitesh përpjekjesh të dështuara dhe mosmarrëveshjesh me të, ajo kontaktoi një këshilltar financiar dhe mori vendimin për t'u tërhequr nga testamenti.
Pasuria e tij vlerësohet në 25 milionë dollarë. Mbetet e paqartë se kush do të trashëgojë pasurinë e tij të patundshme, markat tregtare, të drejtat e autorit dhe asete të tjera. Pavarësisht kohëzgjatjes së shkurtër të martesës së tij me gruan e tretë Skye Daly, ajo pritet të trashëgojë gati një të tretën e pasurisë së tij. Kjo ka të ngjarë të shkaktojë tensione me ish-gratë e tij. Sipas ligjit të Floridës, një grua ka të drejtë për 30% të pasurisë së një personi të ndjerë, edhe nëse ai nuk ka pasur kohë të përditësojë testamentin para vdekjes.
Brooke, megjithatë, pritet të marrë një shumë të vogël parash nga sigurimi i jetës së Hogan, para që sipas TMZ, do t'i përdorë për shkollimin e fëmijëve të saj. Vajza e legjendës së WWE dhe bashkëshorti i saj sollën në jetë binjakë - një djalë dhe një vajzë - në janar. Megjithatë, mundësi nuk i takoi kurrë nipërit e mbesat e tij para se të vdiste. Hulk Hogan e solli në jetë Brooke dhe djalin Nick me ish-gruan e tij Linda, me të cilën ishte i martuar nga viti 1983 deri në vitin 2009. Ai më vonë u martua me Jennifer McDaniel në vitin 2010, deri në ndarjen e tyre në vitin 2021. Dy vjet më vonë, legjenda e WWE u martua me Skye Daly./ZËRI
