EUROPË-Evropa ka përjetuar marsin më të ngrohtë që nga fillimi i regjistrimeve, ndërsa ndryshimi i klimës vazhdon të shtyjë temperaturat në nivele të paprecedenta, thanë shkencëtarët e Bashkimit Evropian të martën.
Globalisht, marsi i kaluar ishte marsi i dytë më i ngrohtë në histori, duke u pasuar vetëm nga marsi i vitit 2024, sipas Shërbimit të Ndryshimeve Klimatike të Copernicus (C3S) të BE-së.
Temperatura mesatare e ajrit në të gjithë kontinentin ishte 2.41 Celcius mbi mesataren e fundit për muajin Mars, sipas shifrave të reja nga Copernicus Evropa Lindore dhe Rusia jugperëndimore në veçanti panë rritjen e temperaturave.
Javën e kaluar Zyra Met në Mbretërinë e Bashkuar zbuloi se Britania e Madhe regjistroi Marsin e saj më me diell në të dhënat e vitit 1920. Sipas shkencëtarëve, nxitësi kryesor i ndryshimeve klimatike janë emetimet e gazeve serrë nga djegia e lëndëve djegëse fosile.
Samantha Burgess, drejtuese strategjike në Qendrën Evropiane për Parashikimet e Motit me Rreze të Mesme, vuri në dukje se Evropa gjithashtu përjetoi ekstreme, me thatësirë si dhe me shira të dendur.
“Në Evropë muajin e kaluar disa vende regjistruan Marsin e tyre më të thatë në histori dhe të tjera Marsin më të lagësht të regjistruar në të paktën 47 vitet e fundit”, shprehet Burgess.
Por ngrohja e planetit gjithashtu, mund të rrisi mundësitë për reshje të mëdha që mund të shkaktojnë përmbytje, dhe nga ana tjetër mund të bëhet nxitës i zjarreve përgjatë kësaj vere. Sipas ekspertëve, edhe Janari edhe Shkurti regjistruan temperatura mbi normalen në shumë vende të botës.
