RUSI- Rusia po hyn në vitin e tretë të luftës në Ukrainë me një sasi të paprecedentë parash në arkat e qeverisë, e përforcuar nga shitja rekord prej 37 miliardë dollarësh e naftës së papërpunuar në Indi vitin e kaluar. Sipas një analize të re, arrihet në përfundimin se një pjesë e naftës së papërpunuar u rafinua nga Inda dhe më pas u eksportua në Shtetet e Bashkuara, si produkte nafte me vlerë më shumë se 1 miliard dollarë.
Ky fluks pagesash, në dobi të Moskës, vjen nga India, e cila ka rritur me 13 herë saainë e blerjes së naftës së papërpunuar, në krahasim me kohën përpara luftës. Kjo do të thotë se partneri strategjik i SHBA-së, Nju Delhi, në këtë mënyrë ul kostot e Rusisë nga sanskionet që i kanë vendosur blerësit perëndimorë.
Ndërsa shitjet e naftës së papërpunuar ruse në Indi, sipas analizës së CNN, nuk i nënshtrohen sanksioneve dhe janë plotësisht legjitime.
CNN dëshmoi atë që është një pjesë e mundshme e asaj tregtie komplekse në portin grek të Gythio në fillim të këtij muaji. Dy cisterna nafte - njëra masive, tjetra më e vogël - u vendosën pranë njëri-tjetrit për një transferim nga anija në anije, që përfshin kalimin e naftës së papërpunuar midis anijeve, ndonjëherë me qëllimin për të maskuar origjinën dhe destinacionin e saj përfundimtar.
Dy cisternat kanë histori shumëngjyrëshe. Të dyja u nisën nga Rusia javë më parë. Njëra është në pronësi të një kompanie me bazë indiane e akuzuar për përfshirje në shkeljet e sanksioneve dhe tjetra ka qenë në pronësi më parë nga një individ subjekt i sanksioneve të veçanta të SHBA-së, sipas firmës së monitorimit të anijeve Pole Star Global.
Dhjetra transferta të ngjashme ndodhin çdo javë në Gjirin Lakonian të Greqisë, një pikë e përshtatshme rrugësh për në kanalin e Suezit dhe tregjet aziatike, thonë analistët.
Më herët në shkurt, Thesari i SHBA-së përshkroi një paketë të re sanksionesh kundër anijeve dhe kompanive të dyshuara se ndihmonin në lëvizjen e naftës së papërpunuar ruse në kundërshtim me sanksionet e SHBA-së, në një përpjekje për të penguar funksionimin e flotës së fshehtë ruse.
Shtetet e Bashkuara kryesuan një koalicion vendesh në fund të 2022-shit që ranë dakord për një “kapak çmimi”, duke marrë përsipër të mos blinin naftë ruse mbi 60 dollarë për fuçi. Ato kombe gjithashtu ndaluan kompanitë e tyre të transportit detar dhe firmat e sigurimeve – lojtarët kryesorë në transportin global – të lehtësojnë tregtinë e naftës së papërpunuar ruse mbi atë çmim.
Një pjesë e tregtisë së naftës midis Rusisë dhe Indisë është e hapur dhe e drejtpërdrejtë. Ëindëard, një kompani detare e inteligjencës artificiale, analizoi lëvizjet globale të transportit detar për CNN dhe zbuloi 588 udhëtime të drejtpërdrejta nga cisternat e naftës nga Rusia në Indi vitin e kaluar.
Por një pjesë e trafikut midis dy vendeve është më komplekse, siç dëshmoi CNN në brigjet greke. Pole Star Global ekzaminoi të njëjtën rrugë dhe gjeti mbi 200 udhëtime vitin e kaluar nga anije nga Rusia që kryen një transferim në Gjirin Lakonian në një anije tjetër, e cila vazhdoi në Indi.
Flota në hije i ka mundësuar Rusisë të krijojë një strukturë paralele të anijeve që mund të përballojë taktikat dhe fokusin në ndryshim të sanksioneve perëndimore, me qindra cisterna me pronësi të errët, duke përdorur rrugë komplekse.
Fondet në dispozicion të Kremlinit e vendosin Moskën në një pozitë më të mirë për të përballuar një luftë të gjatë sesa Kievi, i cili po përpiqet të mbajë fluksin dëshpërimisht të nevojshëm të parave perëndimore.
Sipas një analize të të dhënave publike nga ministria ruse e financave nga ekonomisti i RAND, Hoëard Shatz, të ardhurat dhe shpenzimet federale ruse ishin të dyja në nivelin më të lartë të të gjitha kohërave në vitin 2023.
India i ka justifikuar blerjet e saj nga Rusia si një mjet për të mbajtur çmimet globale më të ulëta pasi nuk po konkurron me vendet perëndimore për naftën e Lindjes së Mesme. Ministri i Naftës dhe Gazit Natyror i Indisë, Hardeep Singh Puri, i tha CNBC javën e kaluar: “Nëse fillojmë të blejmë më shumë naftë nga Lindja e Mesme, çmimi i naftës nuk do të jetë 75 ose 76 dollarë. Do të jetë 150 dollarë.”
Roli kompleks i Indisë në tregtinë globale të naftës reflektohet edhe në fatin e produkteve të naftës në të cilat është shndërruar nafta e papërpunuar ruse. Një pjesë e naftës së papërpunuar rafinohet në produkte nafte në rafineritë në bregun perëndimor të Indisë dhe më pas eksportohet në SHBA dhe vende të tjera të nënshkruara për sanksione ndaj naftës ruse. Produktet e rafinuara jashtë Rusisë nuk mbulohen nga sanksionet, një mosveprim që kritikët e quajnë një "zbrazëtirë të rafinerisë".
Moska ka gjetur mjete për të pasuruar veten edhe nga ky proces rafinimi dhe eksporti. Një nga rafineritë dhe portet indiane që pranon naftën ruse është në Vadinar dhe drejtohet nga një kompani e quajtur Nayara Energy, e cila është 49.1% në pronësi të gjigantit shtetëror rus të naftës Rosneft. CREA vlerësoi se SHBA importoi produkte nafte me vlerë 63 milionë dollarë të rafinuara në Vadinar në vitin 2023, dhe se rreth gjysma e naftës së papërpunuar të përdorur në uzinë ishte ruse.
Por raporti i organizatës shtoi se eksportet nga Vadinar "çojnë në të ardhura të konsiderueshme tatimore për Kremlinin në formën e taksimit të naftës bruto ruse të eksportuar" dhe gjithashtu nëpërmjet fitimeve të realizuara nga Rosneft nga rafinimi dhe rishitja te kundërshtarët perëndimorë të Moskës./ZËRI
