TIRANË- Kreu i Partisë Demokratike Sali Berisha ka vendosur ti qëndrojë besnik Ilir Metës duke i dhënë 3 deputetë hua aleatit të tij të betejave te vjetra për të krijuar një grup parlamentar. Mirëpo kjo lëvizje e tij, nuk është pritur aspak mirë nga kampi i demokratëve. Dy ish-deputetët Myslym Murrizi dhe Kreshnik Çollaku, kanë reaguar ashpër në rrjetet e tyre sociale.
Përmes një postimi në rrjetet sociale, Murrizi shprehet ashpër kundër vendimit të Berishës. Murrizi thotë se kjo "qerasje" nuk është gjë tjetër veçse një tregues se pse bëhet "pazar" me votat e shqiptarëve ditën e zgjedhjeve. Në kundërshtim të hapur me lëvizjen e kryedemokratit, sipas Murrizit, kjo e fundit është asryeja se pse PD rri 16 vite në opozitë.
"Kjo “qerasja” me deputet nga PD tek partit qe nuk kane vota as per nje mandat, po me “pelqen” shum
Opozita ne zgjedhjet e 11 majit mori gjithsej 50 deputet
Nga keto 4 ishin te LSI, 1 ishte i PR, 1 ishte i PDIU, 1 i PPDNJ, 1 i Partis Agrare
Vete PD i ngelin 42 deputet pa llogaritur ndonje qe ka ardhe si ne transferte i huazuar nga lsi ose ps
Nga 42 deputet qe i ngelen PD degjova qe 3 do ti jepen per qerasje LSI qe te krijoj grup parlamentar me 7 deputet
6 deputet do ti jepen Mediut per te krijuar grup tjeter parlamentar me 7 deputet
Dhe 6 te tjer Partis Agrare qe edhe kjo te ket grup parlamentar
Keshtu qe grupit parlamentar te PD i ngelen vetem 27 deputet gjithsej
Mir do ishte qe 6 deputet te tjer tia jepnin per kusur PDIU qe edhe kjo partiçkez qe mori 1500 vota ta ket nje grup parlamentar
Dhe 6 deputet te tjer tia jepnin hua PPDNJ se Dules qe nuk mori asnje vote ne 11 maj qe edhe Dulja ta ket nje grup parlamentar
Dhe PD vete te mbaj çfar te ngelin pas “qerasjes” qe sipas llogarive ngelen 15 deputet
Po edhe nga keto 15 “ mir” do benit ti jepnit 5 Agron Shehut qe edhe ai ta bej nje grup parlamentar se PD vete “ tamam” i ka 10 deputet
Po kur Shqiptaret shohin se si behet “qerasja” me deputet qe keto parti parlamentare leshi te ken grup parlamentar fiktiv vetem per te mar para nga taksat e Shqiptareve dhe per te punsuar 2-3 familjar te tyre si keshilltar apo sekretare grupi si gjoja parti parlamentare dhe qe “kan” grup parlamentar me deputet te “shitur” ne merkate, pse duhet te qendrojne stoik si votues dhe nuk mund ta bejne kete “pazar” vete me voten e tyre diten e zgjedhjeve?????
Pse u dashka qe votat e DEMOKRATEVE ti “ dorovisni” Ju ku te keni interes ne parti qe kane luftuar DEMOKRATET dhe DEMOKRATET vete e paskan te ndaluar ta bejne nje “ dorovitje” me vote sa her te ket zgjedhje tek çdo parti apo partiçkez qe i ofrohet me pages????
DHE PASTAJ THEMI PSE KEMI 16 VJET NE OPOZIT", shkruan Murrizi në postimin e tij.
Kreshnik Çollaku po ashtu ka reaguar në një postim, teksa thotë me tone ironie se falja e 7 deputetëve nuk është problemi më i madh i PD, por ajo që ai e quan "hemoragji brenda llojit".
"Problemi i PD nuk eshte pse i dhuron 7 deputete e nje grup parlamentar ish-LSI (parti me ideologji e histori tjeter)…,por se nuk ndal dot hemoragjine brenda llojit, nuk bashkon te djathten dhe degjon pak ose aspak e pjesen gri te elektoratit antiRame!!!", shkruan Çollaku.
Sa i përket qëndrimit në Kuvendin e ri vetë kreu i Partisë Demokratike, ka lënë të hapura të gjitha opsionet për veprim, nga bojkotimi i Kuvendit deri tek format më ekstreme të protestës brenda sallës. Ndryshe nga PD, Partia e Lirisë do të ndjekë një tjetër rrugë. Blushi është shprehur kundër bojkotit, por nuk përjashtoi opsionin e protestave.
Një ditë më parë Sekretari i Përgjithshëm i Partisë Demokratike, Flamur Noka dhe Sekretari i Përgjithshëm i Partisë së Lirisë, Tedi Blushi zhvilluan një takim në selinë blu. Tema kryesore e takimit ishte aksioni i përbashkët politik mes Partisë Demokratike dhe Partisë së Lirisë dhe lëvizjet e tyre në Kuvendin e ri./ZËRI
