TIRANË-Kreu i Partisë ‘Shqipëria Bëhet’ zhvendosi protestën e tij disa metra larg Kryeministrisë, pak para se Sali Berisha të mblidhte ‘Foltoren’ si çdo të hënë. Por para kësaj lëvizjeje Adriatik Lapaj dhe mbështetësit e tij u përplasën me Policinë, për shkak të perimetrit të rrethuar, masë e ndërmarrë si pasojë e një tjetër tubimi atë të organizuar nga Partia Demokratike dhe Sali Berisha, në sheshin përpara Kryeministrisë.
View this post on Instagram
Berisha nga ana e tij ka treguar mbështetje për nismën e Adriatik Lapajt, ku u shpreh se kreu i 'Shqipëria Bëhet' po bën një protestë civile.
Sali Berisha: Sot mblidhemi për të shpallur para jush dhe mbarë shqiptarëve se PD nis betejën e saj përfundimtare për fitoren e opozitës dhe fitoren e shqiptarëve. Miqtë e mi parafolësit thanë që Rama është një hajdut i pa përmbajtur, por nga të gjitha ligësitë e njeriut, ajo që shteron guximin më shumë është vjedhja, ndaj Rama është frikacaku më i madh që ka njohur historia. Shihni ç’bën çdo natë me Lapajn në protestën e tij më qytetare e civile, vë një karrige atyre, disa mjete dhe proteston në emër të çdo qytetari.
Kreu i demokratëve, Sali Berisha zgjodhi të mbyllë fjalën e tij me një mesazh për shqiptarët dhe demokratët në lidhje me protestën që do të zhvillohet më 22 dhjetor para Kryeministrisë.
Pas përfundimit të foltores së PD-së, Lapaj u rikthye para kryeministrisë./ZËRI
