LEZHË- Kandidati për deputet i Partisë Demokratike në Qarkun e Lezhës, Gjin Gjoni zbuloi se opozita, edhe në këto zgjedhje, ka ngritur ekipe vullnetare për të mbrojtur votën. Në një prononcim para mediave, Gjin Gjoni tha se dje kishin marrë informacione se po zhvilloheshin takime, ndaj edhe kishin shkuar në terren, duke theksuar se nuk ka pasur në asnjë moment armë zjarri. Po ashtu, pretendon se së fundmi qytetarët po dërgojnë pranë tij informacione lidhur me krimet zgjedhore që sipas tij kanë gjetur terren në Lezhë. Një thirrje e kishte edhe për kreun e Strukturës së Posaçme kundër Korrupsionit dhe Krimit të Organizuar, Altin Dumani që të hetojë atë që po ndodh në Lezhë, por edhe njëherë thekson se nuk ka pasur asnjë armë zjarri.
"Deklarata e Pacajt është emocionale. Ai dridhej për atë që kallëzonte. I bëj thirrje zotit Pacajt, dhe të gjithë atyre që fshihen pas tij, që të ruaj qetësinë. Të mos dalin natën në orën 1.30 të natës nëpër banesa. Fakti që nuk kanë qenë në shtab është një gënjeshtër e pastër. Nuk ka intimidim të kandidatit, por janë familjarë që përdoren. Na marrin qytetarët! Njerëzit në terren kanë krijuar besim. Ne nuk do t'i lejojnë që të blejnë votat. Ata kanë kërcënuar njerëzit tanë. Nuk kanë pasur armë dhe asgjë të kësaj natyre. Faturistë të OSHEE, kryepleqtë dhe faturistë, administratorë janë truri dhe lokomotiva që në Manati shkuan atje. I nxjerrin njerëzit me biçikleta dhe qese mbeturinash, atje kanë lista. Ky është një denoncim publik, tani po mbledhim të gjitha provat dhe dokumentacionet. Edhe njëherë asnjë nga personat e përfshirë nuk kanë shkuar brenda në lokal. Kanë qenë jashtë. I bëj thirrje zotit Dumani që të përqëndrohet tek krimi zgjedhor. Unë jam i gatshëm t'ua vë edhe me emra ata që blejnë votat,"-tha ndër të tjera Gjin Gjoni.
PJESË NGA FJALA E GJIN GJONIT:
Gjoni: Tensioni vjen nga frika dhe nga momenti deçiziv në zgjedhjet e 2025. Partia Demokratike është parti fituese, padyshim që do jetë fituese edhe në zgjedhjet e ardhshme, pavarësisht kushteve që kryetari i Partisë Socialiste u ka vënë drejtuesve të qarkut Lezhë për të ndryshuar këtë rezultat dhe si duket ata janë në panik dhe padyshim që kërkojnë të zbatojnë me korrektësi porositë dhe urdhrat e padronit dhe deklaratat e dhëna sot, janë deklarata të pabaza, unë padyshim që kam përmend emra konkret dhe jam konkret në ato që kam përmend. Informacioni i ardhur është informacion që vjen çdo ditë nga qytetarë të ndryshëm, na japin informacion për njerëz të caktuar, për emra të caktuar. Njerëz të cilët janë të lidhur me pushtetin qendror dhe me pushtetin lokal, padyshim që tani janë njerëz që punojnë në institucione të Bashkisë së Lezhës dhe në institucione qendrore që i përkasin qarkut të Lezhës, dhe nga krahu tjetër këto informacione vijnë edhe nga zyrat e tyre elektorale për shkak të konfliktit që ka shpërthyer midis kandidatëve të ndryshëm brenda listës së hapur të Partisë Socialiste, sepse secili prej tyre kërkon të ketë njëlloj superioriteti ndaj një kandidati tjetër. Ne kemi shumë informacione dhe për takime që janë bërë se cilin prej kandidatëve do mbështesin edhe cilin jo të strukturave të PS dhe për të pasur një avantazh janë turrur si hijena në lidhje me blerjen e qytetarëve të Lezhës, pa dyshim për të ndryshuar rezultatin e zgjedhjeve. Ta harrojnë! Ta harrojnë! Ne i kemi në vëzhgim total secilin prej tyre, ne kemi ngritur ekipet vullnetare për mbrojtjen e votës. Këto ekipe vullnetare janë ekipe të strukturave dhe të forumit rinor të PD dhe kërkojnë që të mbrojnë vlerat e demokracisë. Ta harrojnë që Lezha do ngelet një dele e zezë në hartën e zgjedhjeve në Shqipëri, si në zgjedhjet e përgjithshme, ashtu edhe lokale. Ne duhet t'i japim një fytyrë dhe trajtë tjetër qytetit të Lezhës.
Deklarata e Pacajt është emocionale. Ai dridhej për atë që kallëzonte. I bëj thirrje zotit Pacajt, dhe të gjithë atyre që fshihen pas tij, që të ruaj qetësinë. Të mos dalin natën në orën 1.30 të natës nëpër banesa. Fakti që nuk kanë qenë në shtab është një gënjeshtër e pastër. Nuk ka intimidim të kandidatit, por janë familjarë që përdoren. Na marrin qytetarët! Njerëzit në terren kanë krijuar besim. Ne nuk do t'i lejojnë që të blejnë votat. Ata kanë kërcënuar njerëzit tanë. Nuk kanë pasur armë dhe asgjë të kësaj natyre. Faturistë të OSHEE, kryepleqtë dhe faturistë, administratorë janë truri dhe lokomotiva që në Manati shkuan atje. I nxjerrin njerëzit me biçikleta dhe qese mbeturinash, atje kanë lista. Ky është një denoncim publik, tani po mbledhim të gjitha provat dhe dokumentacionet. Edhe njëherë asnjë nga personat e përfshirë nuk kanë shkuar brenda në lokal. Kanë qenë jashtë. I bëj thirrje zotit Dumani që të përqëndrohet tek krimi zgjedhor. Unë jam i gatshëm t'ua vë edhe me emra ata që blejnë votat. Ne do jemi në komunikim të vazhdueshëm. Policia të kontrollojë çdo makinë që më shoqëron mua dhe i bëj thirrje zotit Pacaj që të heqë dorë nga pistoletat imagjinare që ai i ka në trurin e tij dhe të dalë të bëjë fushatë i qetë, por mos të vjedhë vota. Kam pasur kontakte edhe me drejtuesin e Policisë së Lezhës dhe i kam kërkuar që të zbatojë ligjin. Por nuk do i lëmë qytetarët në baltë, e do jemi sa herë të duan që të jemi pranë tyre.
Reagimi i Gjonit erdhi pasi kandidati i Partisë Socialiste në qarkun e Lezhës, Ermal Pacaj ka depozituar një kallëzim në Policinë e Lezhës, pasi pretendon se njerëz të Partisë Demokratike kanë kërcënuar me armë babain e kandidates së Partisë Socialiste, Klotilda Ndreca. Për ngjarjen, Policia ka shpallur në kërkim Xhejson Seferajn, 27 vjeç dhe Ilirjan Gjokën, 40 vjeç./ZËRI
