TIRANË- Kryeministri Edi Rama njoftoi se qeveria do të rishikojë ligjin për arsimin e lartë. Sot, i pranishëm në prezantimin e Bordit të Akreditimit të Institucioneve të Arsimit të Lartë, kreu i qeverisë u shpreh se ka progres por edhe shumë gjëra që duhet të adresohen. Sipas tij, kryeministri u shpreh se duhet që të kapin ritmin dhe t’u japin të rinjve shqiptarë, ofertë akademike konkurruese dhe serioze.
Edi Rama: Del qartë progresi i bërë në këto vite dhe volumi jo i vogël i gjërave që mbeten për t’u bërë se ndërkohë që ne ecim përpara, nuk ka diskutim që bota fluturon. Dhe për të kapur ritmin, dhe për t’ju dhënë vajzave dhe djemve të këtij vendi, por edhe të tjerëve, një ofertë akademike serioze dhe konkurruese në kushtet kur së shpejti, Shqipëria do të bëhet anëtare e BE. Kemi nevojë të shtyjmë me shumë forcë përpara dhe të adresojmë pa ngurim ata që janë të domosdoshme për t'u adresuar, duke filluar edhe nga një rishikim i ligjit të arsimit të lartë që i janë ribërë vitet për t’u riparë nga maja e një eksperience të akumuluar, por edhe shumë te rejave në botën akademike.
