TIRANË-Partia Demokratike ka deklaruar se nuk njeh rezultatin e zgjedhjeve të 11 Majit. Së fundmi kërkesa të reja janë depozituar në Komisionin Qëndror të Zgjedhjeve, ku disa kandidatë për deputetë të PD, kanë kërkuar rinumërimin e votave preferenciale në disa qarqe.
Bëhet fjalë për demokratët Ilir Alimehmeti, Altin Goxhaj, Lisander Hoxha (qarku Tiranë), Ilirjana Kuçana, Aulon Kalaja (qarku Durrës), Arben Lushaj (qarku Shkodër) dhe Shkëlqim Shehu (qarku Kukës). Përveç pamjeve filmike, PD ka kërkuar pamjet filmike të numërimit të votave për Bashkinë Kamëz, dhe qarqet Durrës e Fier.
Sa i përket Bashkisë Kamëz, demokratët pretendojnë për parregullsi. Për këtë arsye i kërkon Komisionit Qendror të Zgjedhjeve verifikimin e fletëve të votimit, në mënyrë që të përjashtohet dyshimi i përdorimit të manipulimit.
Gjithashtu PD ka kërkuar në Komisionin e Ankesave dhe Sanksioneve pavlefshmëri të gjithë rezultatit zgjedhor për Kukësin, Beratin dhe Korçën./ZËRI
