TIRANË- Ana Kapaj është emëruar zëvendësministre e Arsimit dhe Sportit. Vendimi u mor këtë të mërkurë në mbledhjen e Qeverisë.
"Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave, V E N D O S I: Znj. Ana Kapaj emërohet zëvendësministër i Arsimit dhe Sportit. Ky vendim hyn në fuqi menjëherë", konfirmohet në vendim.
Më herët, Kapaj ka qenë në krye të Komisionit të Jashtëm të Vlerësimit (KJV), organi që kryen vetingu e punonjësve të policisë dhe gardës. Ministria e Arsimit drejtohet nga Ogerta Manastirliu dhe ka tre zëvendësministra, Endrit Hoxha, Nina Guga dhe Albana Tole./ZËRI
