TIRANË- Ditën e nesërme, 16 shkurt 2024, do të mbahet takimi i parë i koalicionit të Opozitës së Bashkuar. Kjo gjë u konfirmua përmes një postimi të kreut të Grupit Parlamentar të PD-së Gazment Bardhi. Takimi do të mbahet në një sallë të një hoteli në Tiranë.
“Nesër e premte, ora 12:00, në sallën “Antigonea”, Hotel Rogner, do të zhvillohet takimi i partive politike të opozitës, për krijimin e Koalicionit të Opozitës së Bashkuar. Takimi në pjesën e parë do të jetë i hapur për mediat. U falenderoj!”, – shkruan Bardhi.
Ky takim vjen pas bashkimit të dy grupimeve të Partisë Demokratike në selinë blu. Mbetet të shihet se cilat do të jenë partitë e koalicionit, të paralajmëruar më herët. Në këtë koalicion pritet që të mungojë PDIU e Shpëtim Idrizit, si dhe nuk dihet nëse do të bashkohet LZHK-ja e Dashamir Shehit./ZËRI/
