TIRANË- Deputetët, të cilët mungonin në seancat plenare dhe komisione nuk i kanë shpëtuar gjobave. Një prej tyre është edhe deputetja e Partisë Demokratike Oriela Nebiaj, e cila ishte opinioniste në "Big Brother Albania 3". Nebiaj mban rekordin si deputetja që është gjobitur me shumën më të madhe, plot 60 mijë lekë vetëm për muajin korrik e ndjekur nga deputetja Andia Ulliri me një gjobë prej 51 mijë lekësh, të dhëna këto të publikuara nga borderorja e Kuvendit.
Nebiaj, në muajn Janar mori leje në Kuvend, për angazhimin si opinioniste në Big Brother, në televizionin ku ajo bëri edhe karrierë për shumë vite si moderatore e programit të mëngjesit. Nebiaj u bë pjesë e Kuvendit në Nëntor të vitit 2022, teksa mori mandatin e Grida Dumës, e cila la karrierën e saj si politikane.
Me sa duket angazhimet e tjera nuk i kanë lënë vend që ajo të jetë e pranishme në çdo seancë plenare dhe tashmë është e detyruar të paguajë këtë penalitet./ ZËRI
