TIRANË- Ish-zëvendëskryeministri Arben Ahmetaj ka folur për çështjen e inceneratorëve. Për 'Çim Peka Live', Arben Ahmetaj tha se teorinë e konspiracionit se ishte ai personi që ia dha dosjen kreut të Partisë së Lirisë, Ilir Meta, e përdori kryeministri Edi Rama. Në fjalën e tij tha se dosja ka dalë nga një audit i Kontrollit të Lartë të Shtetit, por e gjitha sipas tij u trillua për ta bërë "kokë turku". Ndryshe do të dilnin emra të tjerë nga dosja. Sipas Ahmetaj, nëse hetohet procedura, përfundojnë të gjithë të hetuar nga SPAK.
Arben Ahmetaj: Goditja ndaj meje ka nisur herët. Kam pasur disa përplasje me kryeministrin, disa profesionale, aq sa lexon edukata. Teoria e konspiracionit që unë kam dorëzuar dosjen tek Ilir Meta dhe ambasada amerikane është furnizuar nga Veliaj dhe Belinda Balluku. Unë nuk e besoj që Edi Rama e ka besuar se është më i zgjuar se kaq. Këtë histori e ka besuar Lefter Koka dhe Mirel Mërtiri. Dosja ka qenë objekt hetimi nga KLSH. U përdor si justifikim për tu gjetur koka e turkut. U ndërtua goditja dalë ngadalë. Filloi gjithë tymnaja që jo ka dhënë dosjen. Miqtë e mi e thoshin me keqardhje në tavolina, sikur i vinte keq për mua, si të habitur. Nuk e besoj që Ed Rama e ka besuar, por e ka përdorur për të gjetur një njeri që sipas tij ti vendosë tapë çështjes së inceneratorëve. Unë e njoh shumë mirë Edi Ramën. Procedurat i përfshijnë të gjithë, a ka vendime për bonueset? Po, ka. Unë jam i vetmi që nuk kam firmosur. S'kam bërë as prokurim. Po të ishte me procedurë do të ishte për të gjithë. Po të kapej procedura nuk ka më puzzle për inceneratorin.
