TIRANË- Kryeministri Edi Rama ka reaguar ndaj sulmeve dhe kritikave nga Prishtina pas deklaratës së tij se “Serbia e humbi Kosovën”, në kuadër të deabtit të fundit për lumin Ibër.
Përmes një postimi në "X", Rama e cilëson si një reagim të asaj të cilën ai e quan “ushtria e trollave të turbofolkut nacionalist të Prishtinës”, si një lloj testi për qëndrimet e tij politike. Këto reagime, Rama thotë se i shërbejnë si një lloj "laboratori" për të matur saktësinë e qëndrimeve të tij politike.
Rama thekson se fraza "Serbia e ka humbur Kosovën" ishte vetëm një pjesë e ndërhyrjes së tij mes autoriteteve, ndërsa fakti që pas kësaj u sulmua dhe u quajt "tradhtar", sipas Ramës, tregon që qëndrimi i tij ishte i drejtë.
Postimi i plotë i Ramës:
Kam një laborator të shkëlqyer për të matur saktësinë e qëndrimeve të mia kur flas ose postoj për Serbinë: Ushtria e trollëve nacionalistë turbo-folk nga Prishtina Sa herë që ajo ushtri lëshohet nëpër kanalet sociale për të shfryrë urrejtjen e tyre të verbër ndaj meje, e konsideroj detyrën time si kryeministër i këtij vendi të përmbushur me sukses, qoftë ndaj Shqipërisë, ndaj Kosovës, apo ndaj paqes dhe bashkëpunimit rajonal.
Edhe dje laboratori funksionoi në mënyrë të përsosur, me trollët e lëshuar për të më rikonfirmuar si tradhtar për shkak se thashë se Serbia humbi Kosovën, gjatë ndërhyrjes sime në debatin dinjitoz të ditëve të fundit midis autoriteteve tona dhe atyre të Serbisë, mbi paprekshmërinë e lumit Ibër.
Pra, qëndrimi im ishte i saktë, pasi në të gjithë atë ndërhyrje të shterueshme - e cila u mirëprit edhe nga vetë deputetja britanike Alicia Kearns, një flamurtare e zjarrtë për Kosovën në Mbretërinë e Bashkuar - baza nacionaliste e turbo-folkut në Prishtinë e gjeti veten të kapur pas një fjalie të vetme për të parandaluar që ai qëndrim i qartë kundër provokimit të Serbisë të "ngatërronte" fansat e turbo-folkut.
Se Serbia humbi Kosovën është thjesht një fakt, aq përvëlues për turbo-folkun nacionalist në Beograd sa është i dhimbshëm për turbo-folkun nacionalist në Prishtinë, dhe të tyret. Riorganizimi i djeshëm në kundërshtimin e tyre patetik ndaj meje është thjesht një tjetër kompliment për diplomacinë e Shqipërisë, për Evropën e Ballkanit.
Unë e kam një laborator ekselent për të matur saktësinë e qëndrimeve të mia kur flas apo postoj lidhur me Serbinë: Ushtrinë e trollave të turbofolkut nacionalist të Prishtinës????
— Edi Rama (@ediramaal) August 12, 2026
Sa herë që ajo ushtri lëshohet nëpër kanalet sociale për të shfryrë urrejtjen e verbër ndaj meje,…
Reagimi i Ramës vjen pas deklaratës së tij një ditë më parë, ku në një përgjigje për autoritete serbe për çështjen e lumit Ibër, ku ai deklaroi se "Serbia e ka humbur Kosovën" dhe shprehu mbështetjen për këtë të fundit si Republikë e pavarur.
Deklarata e Ramës:
Debatin për lumin Ibër, Rama e cilësoi një 'shkëmbim interesant veror mes ministrave të Jashtëm', duke theksuar se Shqipëria nuk ka pretendime territoriale ndaj Serbisë dhe se mbështet Kosovën si shtet të pavarur. Sipas tij, shqiptarët e Kosovës kanë Republikën, institucionet dhe të drejtën për të vendosur për të ardhmen e tyre.
“Serbia e humbi Kosovën. Përsëritja se nuk e humbi mund ta kthejë ndoshta humbjen në fitore në gjeografinë e imagjinatës politike, por fatkeqësisht hartat janë më pak të gatshme për kompromis”, shkruante Rama./ZËRI
