TIRANË-Ambasadori i Shqipërisë për Bashkimin Evropian, Silvio Gonzato është shprehur se synimi kryesor është pakthyeshmëria në reformën e drejtësisë. Gonzato ishte pjesë e një seminari, “Drejtësia e përbashkët” e organizuar nga ‘Friends of Europe’, ku u mblodhën përfaqësues të OSHC nga Ballkani Perëndimor ku diskutuan reformat që duhen ndërmarrë në këtë fushë.
Pas seminarit, përmes një postimi në platformën “X”, Silvio Gonzato i bëri thirrje Parlamentit se duhet t’i sigurojë anëtarëve të rinj të drejtësisë pavarësi dhe profesionalizëm për të përmbushur reformat në këtë drejtim.
Postimi i Gonzatos:
Pakthyeshmëria e reformës në drejtësi duhet të jetë synimi ynë. Për këtë duhen institucione të fuqishme gjyqësore të pavarura, ku shoqëria civile të luajë plotësisht rolin e saj. Rinovimi i anëtarësimit në këto institucione është kyç dhe Parlamenti duhet të sigurojë që anëtarët e rinj të japin garancitë e nevojshme përsa i përket pavarësisë dhe profesionalizmit.
We need CSOs to take more ownership of Albania's???????? justice reform - today @EUAmbAL attended a seminar on "Shared Justice" organised by #FriendsofEurope where representatives of CSOs from the #WesternBalkans discussed their contribution in promoting fair and inclusive justice… pic.twitter.com/dYLFqd8Jli
— EU in Albania (@EUinAlbania) June 21, 2024
