TIRANË- Aktori Eglein Laknori, një nga miqtë më të mirë të Julit ka qenë i ftuar në emisionin “Ftesë në pesë”, ku ka folur për lojën e humoristit brenda shtëpisë së BBV3.
Sipas tij, Juli ka një aftësi që askush tjetër nuk e ka në BBV, ai e mban situatën gjithmonë në kontroll. Përsa i përket faktit nëse po kopjon lojën e Luizit, Eglein shprehet në mënyrë absolute që jo.
Eglein Laknori: Juli ka një aftësi që asnjë prej tyre nuk e ka për hir të vërtetës. Jo për të fyer të tjerët, por Juli e ka gjithmonë situatën nën kontroll dhe nuk i ikën kurrë situata nga kontrolli, sidomos në skenë. Juli flet dhe gjithmonë dëgjon ata që flasin nga fundi dhe thonë po ti nga e dëgjove këtë mo? Juli e ka përqëndrimin ndryshe nga të tjerët, është lindur. Është një djalë social, nuk është arrogant.
A po kopjon lojën e Luiz Ejllit?
Eglein Laknori: Jo nuk është e vërtetë, jo.
Juli u bë pjesë e Big Brother që nga dita e parë, dhe ka qenë një prej 3 personave që në një votim për të preferuarin u votua nga publiku./ZËRI
