GJERMANI- Një banderolë me Shqipërinë e Madhe që mbahej nga një tifoz kuqezi ka “tërbuar”, një ditë më parë mediat greke, të cilat i kanë kushtuar dhe një artikull, duke e cilësuar banderolën si provokim. Shqiptari mbante në duar një banderolë ku kishte përfshirë të gjitha trojet shqiptare, ndërsa dha dhe një intervistë për mediat. Sipas Protothema, ajo banderolë është provokim për Greqinë.
Ready to show the world the real Albanian map! pic.twitter.com/mFsFoPecqX
— Mergim Gallopeni (@GallopeniMergim) June 13, 2024
“Historia e Shqipërisë së Madhe u shfaq në mënyrën më provokuese dhe të hapur në margjinat e ndeshjes së vendit fqinj me Italinë për Euro 2024. Një tifoz i vendit fqinj ka shëtitur rrugëve të Dortmundit me një pankartë që tregonte territoret e Shqipërisë së Madhe, ku përfshiheshin Korfuzi, Janina, Grevena dhe Follorina. Madje, ky fans i veçantë ka bërë edhe një dalje të vogël në një rrjet televiziv shqiptar, duke demonstruar njohuritë e tij për gjeografinë”, shkruan media greke./ZËRI
