ARGJENTINË- Një operacion i cili konsiderohet “rutinë”, ka rezultuar fatal për Vilevis Brito, e cila mbante titullin 'Miss Venezuela'. E reja ndërroi jetë pas një operacioni në fytyrë, ku pësoi një arrest kardiak. Edhe pse operacioni ishte i suksesshëm, ka pasur komplikime të mëvonshme, sipas Daily Mail.
Vëllai i saj deklaron se 24-vjeçarja nuk ka shkuar për një procedurë estetike, por për të zgjidhur një problem shëndetësor. Kirurgjia Maksilofaciale është një specialitet dentar që përfshin trajtimin e lëndimeve të gojës, dhëmbëve dhe nofullës.
“Ajo iu nënshtrua një operacioni në nofullën për shkak të konsumimit të zonës maksilofaciale dhe një gungë të vogël që u formua në buzën e saj. Ajo e bëri këtë jo për të ndryshuar pamjen e saj, por për shëndetin e saj. Ajo është motra ime dhe nuk ka bere operacion estetik. E kanë futur në anestezi. Fatkeqësisht nuk është zgjuar kurrë dhe ka kaluar në arrest kardiak… ,"-u shpreh vëllai i të ndjerës.
Kush është Vilevis Brito
Vilevis Brito emigroi në Argjentinë disa vite më parë dhe po studion për komunikim social në universitetin në Buenos Aires. Ajo ka punuar si prezantuese për A24, një kanal lajmesh kabllore argjentinase, dhe America Tucuman, stacionin motra të saj. Brito ishte nënkampione në konkursin Miss Venezuela World 2021 të mbajtur në Buenos Aires, për mbretëreshat e bukurisë migrante që lanë vendin dikur të pasur me naftë dhe u vendosën në Argjentinë. Ajo u kthye në vendlindjen e saj dhe në vitin 2023 fitoi titullin Mbretëresha e Sporteve të La Guaire, vendlindja e saj.
