KALIFORNI - Drejtori i Teslas, Elon Musk i bëri kryeministrit të Izraelit, Benjamin Netanyahu një turne në fabrikën Fremont, gjatë vizitës që kreu i qeverisë izraelite kishte në SHBA.
Netanyahu dhe bashkëshortja e tij arritën që të shikojnë nga pranë një përmbledhje të prodhimeve të Teslas e disa përmbledhje të makinave elektrike.
Musk shoqëroi çiftin kryeministror izraelit në vendin ku bëhet prodhimi dhe procesi i montimit të makinave elektrike me bazë në Kaliforni të Shteteve të Bashkuara.
Pas kësaj, Musk shëtiti çiftin me mjetin elektrik Cybertruck në pistën e testimit, e cila është jashtë fabrikës.
Netanyahu duket se u nda i kënaqur nga kjo përvojë, pasi u pa teksa bisedonte me Musk pasi përfundoi shëtitjen.
Kjo mund të jetë edhe reklama më e mirë që Musk bëri. Cybertruck është kamionçina e shumëpritur e Tesla-s, e cila ende nuk ka dalë në treg. Pritet që shumë shpejt të nxirret në treg. /Zëri.ai/
