INDI - Një grua amerikane gjendet e lidhur me zinxhirë në një pyll indian. Ajo pretendon se bashkëshorti i saj e la pa ushqim për 40 ditë, duke e lidhur në trungun e nje peme. Lalita Kayi, 50 vjeç, u gjet e lidhur me zinxhirë në një pyll të dendur në lagjen Sindhudurg të Maharashtra nga një bari që dëgjoi thirrjet e saj për ndihmë të shtunën mbrëma. Sipas mediave të huaja, ajo u dërgua menjëherë për trajtim të specializuar, pasi ishte në gjendje të rëndë shëndetësore.
-
Siçilia në krizë, qytetarët “mbijetojnë” me 4 orë ujë në ditë
31 Korrik, 12:32
Megjithatë, ajo shkroi një shënim në anglisht duke thënë se kishte kaluar "40 ditë pa ushqim në pyll". Autoritetet besojnë se gruaja, e cila gjithashtu shkroi se vuan nga "psikoza ekstreme", vuan nga probleme të shëndetit mendor.
Gjithsesi, policia ka nisur hetimet për një tentativë të mundshme vrasjeje nga bashkëshorti i saj, i cili ende nuk është identifikuar.
"Policia po përpiqet të konstatojë nëse pretendimi i gruas se ishte lidhur me zinxhirë nga ish-bashkëshorti i saj ishte i vërtetë. Ne po verifikojmë çdo pretendim dhe informacion në shënimin që ajo shkroi,"- i tha agjencisë inspektori i policisë Saurabh Agrawal.
Ajo nuk ishte në gjendje të jepte një deklaratë zyrtare për autoritetet për shkak të gjendjes së saj të rëndë./ZËRI
