TIRANË- Shqipëria mbylli mbrëmjen e të hënës rrugëtimin në Euro 2024, pas humbjes ne ndeshjen e fundit në grup ndaj Spanjës.
Kuqezinjtë e mbyllën grupin në vendin e fundit me një pikë falë barazimit ndaj Kroacisë. Një grup i vështirë por mundësitë e kualifikimit ishin aty duke parë edhe perfomancat jo në ditët më të mira të Kroacisë dhe Italisë.
Për këtë eliminim i kritikuar nga opinioni publik ka qenë trajner Sylvinho i cili aktivizoi me pikatore Armando Brojën, ndërsa një tjetër sulmues potent si Ernest Muçi mori vetëm 15 minuta përgjatë tre ndeshjeve.
Këtij të fundit i ka dalë në mbrojtje, Broja i cili me anë të një postimi në rrjetet sociale shprehet se koha për ish-talentin e Tiranës do të vijë dhe së shpejti do të jenë përkrah njëri-tjetrit me Kombëtaren siç bënin me U-19.
“Ne njihemi bashkë prej një kohë të gjatë bashkë vëlla. Ndihem mirë që jemi së bashku në ekipin kombëtar, ke qenë gjithnjë një lojtar i mirë, do të vijë koha jonë, të japim 100% tonë. Thjesht do të vazhdojmë të punojmë si gjithmonë, shumë dashuri për ty vëlla”, thuhet mes të tjerash në mesazhin e Brojës.
