TIRANË- Këngëtarja Ronela Hajati për disa vite me radhë jetoi një histori të bukur dashurie me Young Zerkën, edhe pse fjalët e thëna lart e poshtë për lidhjen e tyre nuk u konfirmuan kurrë nga vetë çifti. Megjithatë dedikimet që ata bënin për njëri-tjetrin në intervista dhe afrimiteti që shfaqnin tregonte shumë.
Mirëpo pas shumë vitesh papritur marrëdhënia e tyre mori fund dhe tashmë ata ndjekin rrugë të ndara.
Por ka qenë kënga e fundit e Ronelës e cila ka lënë të kuptohet se nuk e ka harruar Zerkën dhe i bën thirrje të rikthehet.
“U sa mirë e bon me mu, kaçurrelso hajde ktu”, është refreni i këngës më të fundit të Ronelës që ka nxitur dyshime se i drejtohet Zerkës, nisur nga kaçurrelat.
Ronela prej kohësh ka ditur që të bëjë zhurmë, qoftë me tekstet e këngëve me të cilat ka dalë në treg, qoftë me performancat që ka bërë në skenë.
