SHBA- Katy Perry ka njoftuar se ka shitur të drejtat e saj muzikore Litmus Music për 225 milionë dollarë. Perry shiti të drejtat për të pesë albumet që lëshoi për Capitol Records, "One of the Boys " nga 2008 dhe "Smile" nga 2020. Këto albume përfshijnë hitet e saj si "Firework", " Teenage Dream " , "Hot 'n' Cold " , "California Gurls" dhe "I Kissed A Girl" ( I Kissed A Girl ).
Kjo shitje e ngjit Katy-n në “fronin” e artistëve të cilët kanë shitur të drejtat muzikore këtë vit. “Fronin” më parë e ka mbajtur Justin Bieber, pasi ai shiti të drejtat e këngëve të tij në janar për 200 milionë dollarë për Hipgnosis Songs Capital.
Litmus Music tani zotëron pjesën e këngëtares në regjistrimet kryesore të këngëve, që do të thotë se të gjitha të drejtat e ardhshme nga muzika e saj shkojnë për kompaninë. Dy nga këngët e saj "Dark Horse" dhe "Roar" kanë më shumë se një miliardë transmetime në Spotify. “Roar” është gjithashtu një nga videot më të shikuara të të gjitha kohërave në YouTube me 3.8 miliardë shikime.
Katy Perry ka punuar më pak vitet e fundit, duke iu përkushtuar më shumë familjes dhe marrëdhënies me partnerin e saj, aktorin Orlando Bloom. Vitin e ardhshëm, ajo do të kthehet si anëtare jurie në sezonin e shtatë të American Idol.
Litmus Music është sipërmarrje e Dan McCarroll, ish-president i Warner Music dhe Capitol Records. Sipas deklaratës, marrëveshja me këngëtaren është rezultat i një “marrëdhënieje të gjatë biznesi” ndërkohë që të dy ishin në Capitol Records. Hank Forsyth, bashkëthemelues dhe CEO i Litmus Music, tha se këngët e Katy janë "një pjesë thelbësore e strukturës kulturore të botës".
"Pra, ne jemi mirënjohës që po punojmë përsëri së bashku me një partnere të besuar, integriteti i të cilit shkëlqen në gjithçka që ajo bën."
Litmus Music Company fitoi më parë të drejtat për regjistrimet kryesore të Keith Urban, si dhe katalogun e këngëve të Benny Blank, një kompozitor që ka punuar me Ed Sheeran, The Weeknd, Rihanna dhe Britney Spears. Blerja e të drejtave të muzikës ka lulëzuar vitet e fundit, me artistë të tillë si Bob Dylan, Neil Young, Shakira, Debbie Harry dhe Justin Timberlake që heqin dorë nga honoraret e ardhshme për shuma nëntëshifrore./Zëri
