TIRANË- Këngëtarja Arta Kabashi, e cila ishte pjesë e këtij edicioni të Big Brother, është shumë hermetike sa i takon jetës së saj private. Ajo u pyet në emisionin “E Diell për raportin e ngushtë që ka pasur me Romeon brenda shtëpisë, por edhe nëse është e vërtetë lajmi se ajo dhe Blerim Destani janë në një lidhje.
Për Romeon Arta tha se e ka parë thjesht si shok dhe jo diçka më tepër, ndërsa në lidhje me fjalët që kanë dalë për një lidhje me Destanin, Arta shprehet se është një lajm i rremë dhe se ajo është beqare.
Ka qarkulluar një lajm për ty dhe Blerim Destanin, a është kjo arsyeja pse nuk u lidhe me Romeon?
Arta Kabashi: Jo nuk ka lidhje fare, unë e ceka më herët që unë jam beqare dhe ajo ka qenë një lajm fals. Unë e kam cekur që me Romin nuk e kemi mentalitetin, unë dua një mashkull shumë më të pjekur se unë, për të qenë më e tërhequr prej tij, aty brenda Romeo është një nga personat që kam bërë shumë qejf dhe e kam konsideruar si shok dhe nuk kam pasur tërheqje për të.
/ZËRI
