TIRANË-Është muaji korrik dhe temperaturat janë shumë të larta. Deti është padyshim një zgjedhje jo vetëm për t’u shpëtuar temperaturave të larta, por edhe për t’u relaksuar. Pushimet kanë filluar edhe për vajzat e ekranit, ku destinacionet janë të larmishme, megjithatë shumica kanë vendosur të mos e 'tradhëtojnë' bregdetin shqiptar.
Moderatorja Alketa Vejsiu dhe Arbana Osmani kanë zgjedhur të pushojnë jashtë Shqipërisë. Arbana Osmani ka zgjedhur si destinacion Spanjën, ku ka ndarë pamje duke shijuar atmosferën në tinguj muzike në Ibiza. Ndërkohë, Alketa Vejsiu ka zgjedhur Francën, ku me anë të një story në rrjetin social Instagram ka treguar vendodhjen, duke shijuar festivalin e Cannes.
Ndërkohë vajzat e 'BBV', Roza Lati, Erjola Doçi dhe Françeska Murati kanë zgjedhur jugun e Shqipërisë. Vajzat kanë qenë mjaft aktive në rrjet duke ndarë momente së bashku në 'Green Coast Resort' dhe 'Folie Marine'.
Jugu ka qenë destinacioni i zgjedhur edhe nga gazetarja Ilnisa Agolli, e cila ka ndarë foto ku mund të shihet bregdetijugor por pa treguar destiancionin e saj.
Nuk mund të ndodhte ndryshe edhe për vëllezërit Veshaj, të cilët së bashu me partneret e tyre Bora Zemanin dhe Heidi Bacin kanë zgjedhur të pushojnë në Vlorë. Çiftet janë parë kohët e fundit në shoqërinë e njërit-tjetrit duke ndarë momente së bashku për fansat. Heidi së fundi ka zbuluar se ndodhet në një nga resortet e Vlorës, 'Priam Hotel Luxury Resort'.
/ZËRI
