FRANCË – Shtëpia e futbollistit nga Kosova, Edon Zhegrova ka qenë objekt i vjedhjes nga hajdutët. Banesa e Zhegrovës në Lille të Francës u vodh gjatë natës së ndërrimit të viteve.
Mediat franceze shkruajnë se hajdutët kanë vjedhur në banesën e futbollistit veshje luksoze dhe sende të ndryshme. Vetë lojtari i Lilles ishte me pushime në Kosovë, kur ka ndodhur vjedhja.
Policia, kur arriti në vendngjarje ka zbuluar se dera e shtëpisë ishte hapur me forcë dhe hajdutët kishin hyrë nëpër dhoma. Edhe pse alarmi ishte ndezur pak përpara orës 00:00 kur do të vinte Viti i Ri, Zhegrova nuk ishte në shtëpi dhe komshinjtë nuk e kishin dëgjuar atë.
Edhe pse sulmuesi nga Kosova po kalon një formë të mirë tek Lille në Francë, duket se viti i ri 2024 nuk ka nisur shumë mirë për të./ZËRI/
