LONDËR- Problemet personale e trajnerit të Manchester City, Pep Guardiola janë parë nga të gjithë në këtë sezon. Edhe pse ftotej për probleme në jetën e tij personale, askush nuk e dinte në të vërtetë se çfarë po ndodhte, por ndryshe nga më parë tashmë është bërë e ditur. Sipas mediave spanjolle, martesa e tij 30-vjeçare me Cristina Serra ka marrë fund. Sipas raportimeve, Guardiola dhe Serra janë ndarë së bashku në dhjetor të vitit të kaluar teksa ata ndodheshin në Spanjë. Pavarësisht ndarjes së tyre, thuhet se marrëdhënia është ende "e përzemërt, e qëndrueshme dhe miqësore".
Ata kanë jetuar të ndarë për gati pesë vjet pasi Cristina u kthye në Barcelonë për të drejtuar kompaninë e saj të modës. Por ajo ka lëvizur nga Spanja në Londër - ende duke vizituar burrin e saj kur ka kohë. Ndërsa jeta e tij po shpërbëhej jashtë fushës, gjërat nuk ishin mirë për Guardiolën as në të.
Kampionët e Premier League kanë kaluar një periudhë të vështirë, humbën ndaj Juventusit në Ligën e Kampionëve, në shtëpi ndaj Man Utd në derbin e Manchesterit dhe pësuan humbje nga Aston Villa para Krishtlindjeve. Pas një ndeshjeje të Ligës së Kampionëve kundër Feyenoord në fund të nëntorit, ai pa skuadrën e tij të kalonte me tre gola epërsi në Etihad, por ishte shumë nervozë gjatë gjithë kohës. Ai u pa me gërvishtje në kokë dhe në hundë në konferencën për shtyp atë mbrëmje.
Guardiola u pyet se si i mori gërvishtjet dhe u përgjigj duke thënë: "Gishti im, thonjtë e mia”.
Spanjolli më pas bëri shaka duke thënë: “Dua të dëmtoj veten”.
Guardiola më vonë kërkoi falje për komentet e tij dhe këmbënguli se ai nuk po i hidhte poshtë problemet e shëndetit mendor. Prapa skenave, martesa e tij po shkatërrohej pasi ai ndjeu presion që nuk e kishte ndjerë kurrë gjatë karrierës së tij menaxheriale. Pep u takua me bukuroshen Cristina në Katalonjë, kur ata ishin vetëm adoleshentë.
Ajo vjen nga një dinasti e familjes së modës, e cila zotëron butikun Serra Claret në Barcelonë. Aty u kryqëzuan për herë të parë rrugët e tyre. Guardiola, në atë kohë një yll i të rinjve, po bënte një xhirim modelimi për stilistin e ndjerë spanjoll Antonio Miro në dyqan, kur ai pa zonjën e tij e ardhshme.
Ata më në fund u martuan në vitin 2014 në një bashki në periferi të Barcelonës. Vitin e kaluar, ai zbuloi se gruaja e tij ishte guruja e tij e modës.
“Gruaja ime është më e mira në botë në shumë gjëra, por veçanërisht në modë. Kështu që ajo më thotë normalisht, mos vish këtë apo atë, ndaj unë e ndjek atë. Unë jam mjaft i zgjuar për të ditur se kur njerëzit janë shumë më të mirë se unë, i ndjek këshillat e tyre dhe ajo është vërtet e mire”, tha ai.
Sa herë që City shijonte suksesin, Cristina shihej shpesh në Etihad përkrah Guardiolës. Ajo pozoi e lumtur me trofetë e fituar nga ekipet e tij dhe me fëmijët e tyre. Guardiola dhe Cristina kanë tre fëmijë së bashku. Fëmija i tyre më i madh është vajza Maria, 23 vjeçe. Maria Guardiola ndan stilin e saj të të jetës me pothuajse një milion ndjekës në Instagram. /ZËRI
