KOSOVË- Dasma e Dafina Zeqirit dhe Kreshnik Gjergjit ishte kryefjala e botës së shoëbizit në javën që lamë pas, por nuk kishte sit ë mos vihej re mongesa e motrës së këngëtares. Dhjetëra të ftuar VIP kërcyen dhe u dëfryen në atmosferën e krijuar nga dyshja, por Tringa nuk u pa.
Vetë motra e Dafinës, siç njihet ndryshe Tiki Zeqiri ka bërë një postim në Instagram, përmes të cilit ka treguar se nuk ndodhet në Kosovë. Ndërsa motra e vogël e Dafinës ka qenë e pranishme. Madje të dyja u panë duke kërcyer dhe videoja e tyre u bë virale.
Raporti i këngëtares me motrat e saj ka qenë shpesh herë në qendër të mediave rozë. Madje dhe është raportuar se për një periudhë kohore nuk kanë pasur asnjë komunikim me njëra-tjetrën. Siç duket gjërat nuk janë rregulluar ende.
